Dhantryodashi horoscope In marathi : २९ ऑक्टोबरला मंगळवारी धनत्रयोदशी असणार आहे. धनत्रयोदशीचा सण देवी लक्ष्मी आणि कुबेर यांच्या आशीर्वादासाठी महत्त्वाचा मानला जातो. धनत्रयोदशीला खरेदी केल्यास घरात सुख-समृद्धी नांदते, अशी पौराणिक मान्यता आहे. यंदा धनतेरसच्या दिवशी शुभ संयोग जुळून आला आहे. यावेळी धनत्रयोदशीला लक्ष्मी नारायण राजयोग तयार होणार आहे.
२९ ऑक्टोबरला मंगळवारी धनत्रयोदशी असणार आहे. धनत्रयोदशीचा सण देवी लक्ष्मी आणि कुबेर यांच्या आशीर्वादासाठी महत्त्वाचा मानला जातो. धनत्रयोदशीला खरेदी केल्यास घरात सुख-समृद्धी नांदते, अशी पौराणिक मान्यता आहे. यंदा धनतेरसच्या दिवशी शुभ संयोग जुळून आला आहे. यावेळी धनत्रयोदशीला लक्ष्मी नारायण राजयोग तयार होणार आहे.
लक्ष्मी नारायण योग हा धन, समृद्धी आणि यशाचा कारक मानला जातो. यामुळे या दिवशीचे महत्त्व वाढले आहे. जाणून घेऊया धनत्रयोदशीच्या दिवशी कोणत्या ५ राशींना फायदा होणार आहे.
वृषभ राशीवर लक्ष्मी नारायण योगाचा प्रभाव
धनत्रयोदशीला वृषभ राशीत सप्तम योग तयार होत आहे. तुमच्या वैवाहिक जीवनात आनंद राहिल. जोडीदारासोबत सुरु असलेले वाद संपतील. इच्छुकांचे लग्न जमू शकते. कामाच्या ठिकाणी पदोन्नती होण्याची शक्यता आहे. कमाईत वाढ झाल्याने मन प्रसन्न राहिल. व्यवसायाशी संबंधित लोकांना चांगली बातमी मिळेल. व्यवसायात प्रगती होईल. त्यामुळे तुम्हाला चांगला नफा मिळेल. जोडीदाराकडून पूर्ण सहकार्य मिळेल.
मिथुन राशीवर लक्ष्मी नारायण योगाचा प्रभाव
मिथुन राशीच्या लोकांना धनत्रयोदशीच्या दिवशी लक्ष्मी नारायण योगाचा लाभ होणार आहे. या योगाच्या प्रभावाने तुम्ही विरोधकांना सहज पराभूत कराल. उत्पन्नाचे नवीन मार्ग तयार झाल्याने आत्मविश्वास वाढेल. आरोग्याशी संबंधित समस्या संपतील. तुमचे आरोग्य सुधारेल. या काळात तुमचा खर्च वाढणार आहे. कामाच्या ठिकाणी प्रभाव आणि आदर वाढल्याने आत्मविश्वास वाढेल. अनपेक्षित लाभ होतील.
कर्क राशीवर लक्ष्मी नारायण योगाचा प्रभाव
कर्क राशीच्या लोकांना व्यवसायात नफा कमावण्याची संधी मिळेल. तुमची नियोजित कामे यशस्वी होतील, ज्यामुळे तुम्ही आनंदी व्हाल. प्रेम जीवनात आनंद मिळेल. सुख-शांती मिळाल्याने आनंदी असाल. परदेशातून तुम्हाला लाभ मिळेल. आयात-निर्यात व्यवसायाशी संबंधित लोकांच्या उत्पन्नात वाढ होई. नोकरी- व्यवसाय करणाऱ्याची परिस्थिती उत्तम राहिल. अनपेक्षित लाभ मिळतील. वाहन सुख मिळण्याची शक्यता आहे.
वृश्चिक राशीवर लक्ष्मी नारायण योगाचा प्रभाव
वृश्चिक राशीच्या लोकांसाठी हा काळ शुभ राहिल. तुमच्या व्यवसायात भरभराटी होईल. स्टार्टअप व्यवसाय करणाऱ्या लोकांना फायदा होईल. या काळात तुम्हाला चांगला सौदा मिळेल. ज्यामुळे यशाची उंची गाठाल. व्यवसायात बंपर कमाई केल्याने तुमची आर्थिक स्थिती मजबूत होईल. भौतिक सुखसोयी वाढतील. नवीन वाहन, घर किंवा मालमत्ता खरेदी करु शकता. तुमच्या जोडीदाराकडून तुम्हाला प्रेम मिळेल.
मीन राशीवर लक्ष्मी नारायण योगाचा प्रभाव
मीन राशीच्या लोकांसाठी हा काळ खूप चांगला राहिल. नशिबाने तुम्हाला फायदा होऊ शकतो. तुमची रखडलेली कामे आज पूर्ण होऊ शकतात. वाहनांचे सुख मिळेल. ज्यामुळे तुमचा आत्मविश्वास बळकट होईल. उच्च शिक्षणाचे मार्ग मोकळे होतील. तुमच्या कामामुळे तुमचा आदर आणि सन्मान वाढेल. वडिलोपार्जित संपत्तीचे प्रश्न सुटतील.