विधानसभा निवडणुकीआधी महायुतीमधील सर्व पक्षांनी पहिल्या यादी जाहीर केल्या आहेत. तर मविआमधील एकाही पक्षाची यादी जाहीर केली गेली नाही. मात्र माहीम मतदारसंघातील जागावाटपाआधीच ठाकरेंच्या उमेदवाराची घोषणा झाली आहे. मनसे नेते अमित ठाकरे या मतदारसंघातून उभे राहिले आहेत. यावर विद्यमान आमदार सदा सरवणकर यांनी आपली काय प्रतिक्रिया दिली आहे जाणून घ्या.
तीनवेळा नगरसवेक आणि तीनवेळा आमदार त्यामुळे या मतदारसंघातील नागरिकांसोबत माझं जिव्हाळ्याचं नात आहे. प्रत्येक घराघरात इमारतीत चाळीत माझा संपर्क आहे. मला असं वाटतं की लोकं या लढाईत मला विजयी करतील. ठाकरे कुटुंबातील कोणतीही व्यक्ती निवडणुकीला राहत नव्हती अशा प्रकारची प्रथा शिवसेनाप्रमुखांनी आखून दिली होती. मध्यंतरी यामध्ये खंड पडला, एक ठाकरे आणि आता दुसरेही आले. लोकशाही असल्याने प्रत्येकाला निवडणूक लढवण्याचं काम करत आहे. एखादा कार्यकर्ता आलं असता ज्याने वर्षानुवर्षे मनसेचे काम केलं आहे पण तसं न होता प्रमुखांचे चिरंजीव आले, तरीसुद्धा ही लढत रंगतदार होईल, असं सदा सरवणकर म्हणाले.
मी जवळ-जवळ गेली ३०-३५ वर्षे प्रभादेवी आणि दादरमधील मतदारांनी मला निवडून दिले. मी एकच दिवस नाही तर वर्षाचे ३६५ दिवस उपलब्ध असतो. या मतदारसंघात कोणत्याही इमारतीत गेला तर सगळीकडे झाली आहेत. एक दिवसाने काही होईल असं मला वाटत नाही, आपल प्रतिनिधी ३६५ दिवस भेटणारा असला पाहिजे असं लोकांना अपेक्षित असतं, असं सदा सरवणकर यांनी म्हटलं आहे.
दरम्यान, सदा सरवणकर हे गेल्या दोन टर्म माहीम मतदारसंघातून निवडून आले आहेत. २०१९ साली झालेल्या विधानसभा निवडणुकीमध्ये सदा सरवणकर यांनी मनसेच्या संदीप देशपांडे यांचा पराभव केला होता. तर २०१४ साली मनसेचे विद्यमान आमदार असलेल्या नितीन सरदेसाई यांनी त्यांनी पराभूत केले होते.