Supriya Sule on Son in law : मी शोधतेय.. अजून मिळाला नाही जावई… नाहीतर माझा जेव्हा येईल ना.. चौथ्या वर्षी मी आणि सदानंद सोफ्यावर बसू, असं सुप्रिया सुळे म्हणत होत्या
हायलाइट्स:
- बारामतीच्या खासदार सुप्रिया सुळे यांनी जाहीर केले की, या मतदारसंघातील कुठलीही माई आजनंतर जावयाचे पाय धुत बसणार नाही.
- सुप्रिया सुळे यांनी सामाजिक परिवर्तनासाठी जावयाने सासू आणि आईचे पाय धुवावे, अशी मागणी आधीही केली होती.
- सुप्रिया सुळे म्हणाल्या की, जावई बाहेरचा नाही तर तो आपला मुलगाच आहे आणि सून प्रेमाची आहे
सुप्रिया सुळे काय म्हणाल्या?
या मतदारसंघातील कुठलीही माई आजनंतर जावयाचे पाय धुत बसणार नाही. आता माझाच… मी शोधतेय.. अजून मिळाला नाही जावई… नाहीतर माझा जेव्हा येईल ना.. चौथ्या वर्षी मी आणि सदानंद सोफ्यावर बसू.. बेटा करो अभी.. सासू को गिफ्ट दो… आपली पोरगी कमवतेय.. आपला जावई कमवतोय… तर आपला पण मुलगा आहे ना… जावई काय बाहेरचा नाही.. तो आपला मुलगाच आहे… सून प्रेमाची.. लेक.. सगळे वन फॅमिली आहेत.. असं सुप्रिया सुळे सांगत होत्या.
कशासाठी कोणाचे पाय धुवायचे… हे सामाजिक परिवर्तन फक्त कपड्यातून येत नाही. ते सामाजिक परिवर्तन आपल्या आयुष्यात आणि निर्णय प्रक्रियेत झालं पाहिजे.. त्याला क्रांती म्हणतात.. हा बदल आपल्याला महाराष्ट्रात घडवायचा आहे, असं आवाहन सुप्रिया सुळे यांनी केलं.
धोंडे जेवणाला सुप्रिया सुळेंनी काय किस्सा सांगितला होता?
मला धोंडं जेवण काय असतं, हे माहितच नव्हतं, मला धोंडं जेवण कुणामुळे कळलं तर रीलमुळे. कोणीतरी मला सांगितलं, दर तीन वर्षांनी जावयाला बोलवायचं आणि त्याचे पाय धुवायचे. मी म्हटलं कशासाठी, तर म्हणाले अशीच पद्धत असते. मग मी म्हटलं, माझ्या लोकसभा मतदारसंघात मी बदल करणार. जरुर धोंडी जेवण करा, माझा त्याला विरोध नाही. पण असं करुया आपण, सासूने त्याचे पाय धुवायच्या ऐवजी जावयाने सासू आणि आईचे पाय धुवायला पाहिजेत. की एवढी सोन्यासारखी मुलगी आम्हाला दिलीत, असा बदल सुप्रिया सुळे यांनी आधीही सुचवला होता.