Guru Pushya Yog 2024 lucky zodiac : दिवाळीच्या एक आठवड्या आधीच अर्थात आज गुरुवारी, 24 ऑक्टोबर रोजी गुरुपुष्य योगाचा दुर्मिळ योग जुळून येतो आहे. गुरुपुष्य योग सोने-चांदीच्या खरेदीसाठी अत्यंत शुभ मानला जातो. या कारणामुळेच या योगाला “मिनी धनतेरस” असेही म्हणतात. याचदिवशी गुरु आणि शुक्र समोरासमोर येत असल्यामुळे महालक्ष्मी योग देखील तयार होतो आहे. या शुभ संयोगात सिंह आणि तुळसह 5 राशींच्या लोकांचा भाग्योदय होणार आहे. या राशीचे लोक जर व्यापारी असतील तर ते मालामाल होतील यात शंकात नाही. चला तर पाहूया, सिंह आणि तुळसह त्या भाग्यवान राशी कोणत्या आहेत.
मेष राशीसाठी व्यवसायात दुप्पट नफा
मेष राशीच्या लोकांसाठी गुरुपुष्य योग सौभाग्यात वाढ करणार आहे. खरेदीच्या शुभ संयोगामुळे व्यापाऱ्यांना अच्छे दिन येणार असून दिवाळी आधीच भरपूर धनलाभ होणार आहे. तुमचा व्यवसायिक दृष्टीकोन उपयोगी पडणार असून नफा दुप्पट होणार आहे. तुमच्या सर्व इच्छा पूर्ण होतील आणि कुटुंबाच्या सगळ्या मागण्या तुम्ही कराल. घरी आनंदी आणि समाधानी वातावरण असेल.
मिथुन राशीची जीवनात प्रगती, नोकरीचे शुभ योग
मिथुन राशीच्या लोकांसाठी गुरुपुष्य योग तुमच्या जीवनात उत्तम प्रगती घेवून येणार आहे. दिवाळीच्या आधीच व्यवसायात उत्तम नफा, तसेच जे नोकरीच्या शोधात आहेत त्यांना नोकरी मिळण्याचे योग आहेत. तुमच्या प्रत्येक कामात उत्साह आणि सकारात्मक ऊर्जा असेल. कुटुंबात वातावरण आनंदी आणि समाधानी असेल.
सिंह राशीच्या भौतिक सुखात वाढ
सिंह राशीच्या लोकांसाठी गुरुपुष्य योग पैशांच्या बाबतीत लाभदायक ठरणार आहे. व्यवसायात अचानक प्रगती होणार असून नोकरीत तुमचे कौतुके होणार आहे. सोने आणि चांदीच्या संदर्भात सिंह राशीचे जे जातक व्यवसाय करत आहेत त्यांच्यासाठी दुप्पट कमाईचा योग आहे. परदेशात जाण्याची इच्छा पूर्ण होईल. कुटुंबासोबत समाजात मान-सम्मान वाढेल. तुमच्या भौतिक सुखसुविधांमध्ये वाढ होणार आहे.
तुळ राशीची धनसंपत्ती वाढणार
तुळ राशीच्या लोकांसाठी गुरुपुष्य योग खूप लकी असून धनसंपत्ती वाढ होणार आहे. व्यापारात तुम्हाला इच्छित परिणाम मिळाल्याने आत्मविश्वास दुपटीने वाढेल. जे लोक व्यापार करतात किंवा एखादी फर्म चालवत आहेत त्यांच्यासाठी हा काळ फलदायी असेल. तुम्ही घर किंवा जमीन यात गुंतवणूक करण्याचा विचार करत असाल, तर पुढे चला, वेळ अत्यंत शुभ आहे. बँक वाढल्यामुळे तुम्हाला खूप समाधान मिळेल.
धनु राशीच्या सुख-सुविधांमध्ये वाढ
धनु राशीच्या लोकांना दिवाळीआधीच गुरुपुष्य योगामुळे प्रचंड आर्थिक लाभ मिळेल. तुमच्या जीवनात सुख-सुविधा आणि ऐशोआराम आता वाढणार आहे. तुम्ही विद्यार्थी असाल तर उच्च शिक्षणाचा विचार नक्की करा. नवीन मित्र बनवण्यासाठी वेळ अतिशय चांगली आहे. कायदेशीर समस्या किंवा कोर्ट कचेरी सुरु असेल, तर तुमच्या बाजूने निकाल लागेल तसेच प्रश्न पटापट मार्गी लागतील. तुमच्या जीवनात प्रगतीच्या नवीन रस्ते खुले होणार असून प्रत्येक कामात नशिबाची साथ असेल.