Saturn Directs in Aquarius : दिवाळीच्या १५ दिवसानंतर शनिचे मार्गीक्रमण होणार आहे. १५ नोव्हेंबरला शनी कुंभ राशीत जाणार आहे. शनि त्याच्या मुळ राशीत परतल्याने सर्व राशींवर काही प्रमाणात शुभ परिणाम होतील. शनिच्या उलट्या फिरण्याने मेषसह ५ राशींना फायदा होणार आहे. या काळात करिअरच्या चांगल्या संधी मिळतील. व्यवसाय वाढीच्या संधी मिळाल्याने आर्थिक स्थिती सुधारेल. जाणून घेऊया कोणत्या राशींना कसा फायदा होणार आहे त्याविषयी
ज्योतिषशास्त्रानुसार १५ नोव्हेंबरला शनिदेवा आपल्या मुळ राशीत अर्थात कुंभ राशीत प्रवेश करणार आहे. शनि हा ग्रह अंत्यत शुभ आणि सकारात्मक मानला गेला आहे. त्यामुळे तुमची अनेक रखडलेली कामे पूर्ण होतील. शनिचे मार्गक्रमण झाल्यामुळे शश राजयोगाचा प्रभाव वाढेल. मेषसह ५ राशींना या मार्गीक्रमणांचा फायदा होईल. नवीन वर्षात सर्व संकटे दूर होतील. करिअरमध्ये तुम्ही प्रगती कराल. नवीन नोकरीच्या संधी मिळू शकतात. व्यवसायात तुम्हाला नफा मिळू शकतो. जाणून घेऊया कोणत्या राशींना कसा फायदा होणार आहे त्याविषयी
मेष राशीवर शनि मार्गीक्रमणाचा प्रभाव
मेष राशीसाठी हा काळ अत्यंत फायदेशीर असेल. करिअरमध्ये तुम्हाला मोठ्या प्रमाणात यश मिळेल. कामाच्या ठिकाणी तुमचा आदर केला जाईल. तुमच्या नवीन कल्पनांचे स्वागत होईल. नवीन कल्पनांमुळे तुम्हाला व्यवसायात यश मिळेल. कामाच्या ठिकाणी वरिष्ठांचे सहकार्य मिळेल. नशिबाची तुम्हाला पूर्णपणे साथ मिळू शकते.
कर्क राशीवर शनि मार्गीक्रमणाचा प्रभाव
कर्क राशीला शनिच्या मार्गीक्रमणामुळे व्यवसायात गती मिळेल. लोखंड, तेल, मद्य यांसारखा व्यवसाय करणाऱ्यांना प्रगती मिळेल. व्यवसायात अनेक पटीने नफा मिळाल्याने तुम्ही आनंदी असाल. तसेच व्यवसायात तुम्हाला नवीन ऑर्डर मिळतील. कुटुंबाकडून सर्व प्रकारचे सहकार्य मिळेल.
कन्या राशीवर शनि मार्गीक्रमणाचा प्रभाव
कन्या राशीच्या लोकांना या काळात आर्थिक फायदा होणार आहे. जुन्या कर्जापासून तुम्हाला मुक्ती मिळेल. कुटुंबात दीर्घ आजाराने त्रस्त असणाऱ्यांना हा काळ चांगला जाईल. कोर्टातील निकाल तुमच्या बाजूने लागतील त्यात तुम्हाला यश मिळेल. आयात-निर्यातीचे काम करणाऱ्यांसाठी हा काळ चांगला असेल. मुलांच्या बाबतीत सावध राहा
मकर राशीवर शनि मार्गीक्रमणाचा प्रभाव
मकर राशीच्या लोकांसाठी शनीच्या उलट्या फिरण्याचा फायदा होईल. शनिची साडेसाती शेवटच्या टप्प्यात असल्यामुळे तुमच्या जीवनात काही सकारात्मक परिणाम दिसतील. आर्थिक आणि गुंतवणुकीच्या बाबतीत तुम्हाला फायदा होईल. नोकरी शोधणाऱ्यांसाठी चांगल्या संधी तयार होतील. आर्थिक लाभासाठी तुम्हाला संघर्ष करावा लागेल. धीर धरलात तर वाईट वेळ निघून जाईल.
कुंभ राशीवर शनि मार्गीक्रमणाचा प्रभाव
कुंभ राशीच्या लोकांना या काळात चांगले लाभ मिळतील. तुम्हाला नशिबाची पूर्ण साथ मिळणार आहे. शश राजयोगाचा शुभ परिणाम तुमच्यावर राहिल. तुमचे व्यक्तिमत्त्व अधिक आकर्षित होईल. तुमचा आत्मविश्वास देखील वाढणार आहे. व्यापार-उद्योग किंवा पार्टनरशीपमध्ये असणाऱ्यांना आर्थिक लाभ होऊ शकतो. व्यवसायात तुम्हाला चांगला लाभ मिळेल. ज्यामुळे मोठे यश मिळणार आहे.