Dindori Vidhan Sabha: शिवसेनेचे जिल्हाप्रमुख भाऊलाल तांबडे, सुरेश डोखळे आदी नेते-कार्यकत्यांच्या उपस्थितीत महालेंचा उमेदवारी अर्ज दाखल करण्यात आला. महाले यांनी बंडखोरी करून उमेदवारी अर्ज भरल्याने दिंडोरी तालुक्यातील राजकारण तापले आहे.
शिवसेनेचे जिल्हाप्रमुख भाऊलाल तांबडे, सुरेश डोखळे आदी नेते-कार्यकत्यांच्या उपस्थितीत महालेंचा उमेदवारी अर्ज दाखल करण्यात आला. महाले यांनी बंडखोरी करून उमेदवारी अर्ज भरल्याने दिंडोरी तालुक्यातील राजकारण तापले आहे. महालेंनी महायुतीत कोणतीही चर्चा न करता परस्पर उमेद्वारी जाहीर केली असून, आपण उमेदवारी करण्यास आपण ठाम असल्याचे, तसेच कोणत्याही परिस्थितीत आमदार झिरवाळ यांचा पराभव करणारच, असा निर्धारही महाले यांनी व्यक्त केला आहे. त्यामुळे आमदार झिरवाळ यांना यंदा महायुतीमधूनच मोठे आव्हान उभे राहिले आहे. झिरवाळ यांनी आपण महाले यांचेशी चर्चा करणार असल्याचे सांगितले आहे. झिरवाळ यांचा अर्ज दाखल करण्यास भाजप नेते चंद्रकांत राजेंसह अन्य पदाधिकारी उपस्थित होते.
‘मविआ’तही बंडाळीची चिन्हे महायुतीत बंडाळी होण्याची चिन्हे असताना महाविकास आघाडीतही तशीच स्थिती आहे. या जागेवर ठाकरे यांची शिवसेना व शरद पवारांच्या राष्ट्रवादीने दावा केला असून, अद्याप जागा व उमेदवारीचा निर्णय झालेला नाही. राष्ट्रवादीचे इच्छुक संतोष रेहरे यांनी पक्षातर्फे, तर सुनीता रामदास चारोस्कर यांनी अपक्ष अर्ज दाखल केला आहे. ठाकरेंच्या शिवसेनेकडून माजी सभापती एकनाथ खराटे यांनी एक अर्ज पक्षाकडून, तर एक अपक्ष अर्ज दाखल केला आहे.