विधानसभा निवडणुकीच्या तोंडावर काँग्रेसचे आमदार झिशान सिद्दिकी यांनी दादा गटामध्ये प्रवेश केला आहे. राष्ट्रवादीच्या दुसऱ्या यादीमध्ये झिशान सिद्दिकी यांना वांद्रे पूर्व येथून उमेदवारी देण्यात आली आहे. राष्ट्रवादीत पक्षप्रवेश करताच सिद्दिकी यांनी काँग्रेसवर खळबळजनक आरोप केला आहे.
हायलाइट्स:
- काँग्रेसचे आमदार झिशान सिद्दिकी यांनी विधानसभा निवडणुकीच्या तोंडावर दादा गटामध्ये प्रवेश केला आहे.
- झिशान सिद्दिकी यांनी काँग्रेसवर गंभीर आरोप करत त्यांच्यावर विश्वास ठेवणाऱ्या सुनील तटकरे, अजित पवार आणि प्रफुल्ल पटेल यांचे आभार मानले.
- झिशान सिद्दिकी यांचा वांद्रे पूर्व मतदारसंघातून मोठ्या मताधिक्याने विजय मिळवण्याचा विश्वास आहे.
विधानसभा निवडणुकीचा राष्ट्रवादीने दुसरी यादी जाहीर केली आहे. या यादीमध्ये सात उमेदवारांची नावे जाहीर करण्यात आलीये. यामध्ये भाजपच्या दोन माजी खासदारांने उमेदवारी मिळाली आहे. इस्लामपूर – निशिकांत पाटील, वांद्रे पूर्व – झिशान सिद्दीकी, अणुशक्तीनगर – सना मलिक, वडगाव शेरी – सुनिल टिंगरे, शिरुर – ज्ञानेश्वर कटके, तासगाव – संजयकाका पाटील आणि लोहा कंधार – प्रताप पाटील चिखलीकर यांचा समावेश आहे.
दरम्यान, वांद्रे पूर्व येथे महाविकास आघाडीतून ठाकरे गटाने वरूण सरदेसाई यांना उमेदवारी दिली आहे. झिशान सिद्दिकी यांनी आणि वरूण सरदेसाई यांच्यात ही लढत रंगणार आहे. वरूण सरदेसाई यांची पहिलीच निवडणुक असल्याने पूर्ण ताकदीनिशी ते मैदानात उतरतील. मात्र बाबा सिद्दिकी यांच्या हत्येमुळे झिशान यांना सहानुभूतीचा फायदा होऊ शकतो.