Ratnagiri Accident News: जिल्हा रुग्णालयात दाखल करण्यात आल्यानंतर आता पोलीस आणि नागरिकांच्या मदतीने त्यांची ओळख पटली आहे. राघवेंद्र धुरी साई नगर परिसरात राहणारा आणि मुक्तेश्वर ठीक प्रशांत नगर परिसरात राहणारा आहे.
हायलाइट्स:
- भरधाव डंपरची दुचाकीला धडक
- दुचाकीवरील दोघांचा जागीच मृत्यू
- रत्नागिरी येथे भीषण अपघात
मिऱ्या नागपूर महामार्गाचे रुंदीकरणाचे काम गेले कित्येक महिने सुरू आहे. या परिसरात डंपरसारख्या मोठ्या वाहनाची येथे वर्दळ कायम असते. या परिसरात यापूर्वीही काही अपघात घडले आहेत. डंपरची ठोकर बसल्याने दोघांचाही जागीच मृत्यू झाला आहे. या महामार्गावर सुरू असलेल्या कामामुळे डंपरसारख्या मोठ्या अवजड वाहनांच्या वेगमर्यादेवर सध्या कोणाचे नियंत्रण नाहीय. या परिसरातून जाणाऱ्या डंपरसारख्या अवजड वाहनांच्या वेगावर नियंत्रण घालण्यात यावे अशी मागणी परिसरातील नागरिकांकडून होऊ लागली आहे. दुचाकी घेऊन जात असताना डंपरची भीषण धडक झाल्याने यामध्ये दोघांना आपला जीव गमवावा लागला आहे. ज्या डंपरमुळे या दुचाकीला धडक बसली त्या डंपरचा क्रमांक एमएच ०८ एच २२९२ असा आहे.
अपघातग्रस्त ज्या मोटरसायकलवरून प्रवास करत होते. त्या दुचाकीचा क्रमांक एमएच ०८ पी ००७४ असा आहे. या अपघात प्रकरणी संबंधित डंपर चालकावर गुन्हा दाखल करून त्याला अटक करावी अशी मागणी आता परिसरातून होऊ लागली आहे. रत्नागिरी पोलिसांनी या सगळ्याची गंभीर दाखल घेतली असून सिव्हिल रुग्णालयात आणि घटनास्थळी रत्नागिरी पोलीस हजर झाले आहेत. टीआरपी परिसरात घटनास्थळी पंचनामा करण्याची कार्यवाही पोलिसांकडून सुरू आहे.