Solpaur Central Vidhan Sabha Congress: २०२४च्या निवडणुकीत आमच्या पायगुणामुळे प्रणिती शिंदे खासदारकीच्या निवडणूकीत विजयी झाल्या आहेत, असा अजब दावा काँग्रेस जिल्हाध्यक्षांनी केला आहे.
मोहिते पाटील म्हणाले, लोकसभा निवडणुकीत माजी केंद्रीय मंत्री सुशीलकुमार शिंदेचा दोन वेळा पराभव झाला होता. २०२४च्या निवडणुकीत मात्र आमच्या पायगुणामुळे प्रणिती शिंदे खासदारकीच्या निवडणूकीत विजयी झाल्या आहेत. धवलसिंह मोहिते पाटलांचा या वक्तव्याचा काँग्रेस गांभीर्याने विचार करते की हे पाहावं लागणार आहे. लोकसभा निवडणुकीत माढा लोकसभा मतदारसंघाच्या जागेवरून मोहिते पाटील कुटुंबाने भाजप पक्षाची सोडचिठ्ठी घेत तुतारी हातात घेतली होती. लोकसभा निवडणुकीत सोलापूर आणि माढा या दोन्ही जागा महाविकास आघाडीने खेचून आणल्या आहेत.
प्रणिती शिंदेंना ग्रामीण भागातून मिळाली आघाडी
लोकसभा निवडणुकीत माजी आमदार प्रणिती शिंदेंनी मोठ्या मताधिक्क्याने विजय मिळवला. महाविकास आघाडीच्या उमेदवार असलेल्या प्रणिती शिंदेंना सोलापूर लोकसभा मतदारसंघात अक्कलकोट, दक्षिण सोलापूर, पंढरपूर मंगळवेढा, मोहोळ या ग्रामीण भागातून लीड मिळाले होते. काँग्रेस जिल्हाध्यक्ष धवलसिंह मोहिते पाटील यांनी याचा पुन्हा कित्ता गिरवला आहे.
दरम्यान सोलापूर शहर मध्य मध्ये अद्याप राज्यातील प्रमुख आघाडीकडून उमेदवार जाहीर करण्यात आलेला नाही. दोन्ही आघाडीत काही जागांवर चर्चेचे गुऱ्हाळ अद्याप सुरु आहे. त्यातच सोलापूर मध्यचा देखील तिढा सुटलेला नाही. काँग्रेस यंदाही सुशीलकुमार शिंदेंच्या घराण्यातच तिकीट देणार असल्याची चर्चा आहे. तर तिकडे महायुतीत या जागेवरुन भाजप आणि शिवसेनेत बिनसल्याचे चित्र आहे. जागा न सुटल्यास शिवसेनेच्या स्थानिक नेत्यांनी विरोधात उमेदवार देणार असल्याचे म्हणाले आहेत.