Devendra Fadnavis Total Asset: भाजपचे नेते आणि राज्याचे उपमुख्यमंत्री देवेंद्र फडणवीस यांनी विधानसभा निवडणुकीसाठी अर्ज दाखल केला. अर्जसोबत त्यांनी दिलेल्या प्रतिज्ञापत्रात त्यांच्या संपत्तीबद्दल माहिती देण्यात आली आहे.
उमेदवारी अर्ज दाखल करताना फडणवीस यांनी दिलेल्या प्रतिज्ञापत्रात संपत्ती आणि अन्य तपशील जाहीर केले आहे. त्यांनी दिलेल्या माहितीनुसार फडणवीस यांच्याकडे १३ कोटी २७ लाख ४७ हजार ७२८ रुपये इतकी संपत्ती आहे. फडणवीसांच्या आयटी रिटर्न फॉर्म नुसार २०२३-२४ मध्ये त्यांचे एकूण उत्पन्न ७९ लाख ३० हजार ४०२ रुपये इतके आहे. २०२२-२३ मध्ये ते ९२ लाख ४८ हजार ०९४ रुपये इतके होते.
फडणवीसांनी पत्नी अमृता यांची संपत्ती ६ कोटी ९६ लाख ९२ हजार ७४८ रुपये तर मुलगीची संपत्ती १० लाख २२ हजार ११३ रुपये असल्याचे सांगितले आहेत. फडणवीसांकडे २३ हजार ५०० रुपये रोख रक्कम तर पत्नी अमृता यांच्याकडे १० हजार रुपये रोख रक्कम आहे.
देवेंद्र फडणवीस यांच्या बँक खात्यात २ लाख २८ हजार ७६० रुपये आहेत. तर त्यांच्या पत्नीकडे १ लाख ४३ हजार ७१७ रुपये आहेत. फडणवीसांनी राष्ट्रीय बचत योजना, डाक बचत, विमा यात २० लाख ७० हजार ६०७ रुपये गुंतवले आहेत. त्यांची पत्नी अमृता यांनी शेअर, म्यूचल फंड आदी मध्ये मिळून ५ कोटी ६२ लाख ५९ हजार ०३१ रुपये खर्च केले आहेत.
किती सोने
प्रतिज्ञापत्रात दिलेल्या माहितीनुसार फडणवीस यांच्याकडे ४५० ग्रॅम सोन्याचे दागिने आहेत, ज्याची किंमत ३२ लाख ८५ हजार इतकी आहे. पत्नी अमृता यांच्याकडे ६५ लाख ७० हजार रुपयांचे सोन्याचे दागिने आहेत. उपमुख्यमंत्र्यांकडे ४ कोटी ६८ लाख ९६ हजार रुपयांची अचल संपत्ती आहे. ज्यात नागपूरमधील शेत जमीन, धर्मपेठ येथील घर आणि अन्य संपत्तीचा समावेश आहे. पत्नी अमृताच्या नावावर ९५ हजार २९ रुपयांची संपत्ती आहे.
पत्नीकडून घेतले कर्ज
फडणवीसांनी पत्नी अमृता यांच्याकडून ६२ लाख रुपयांचे कर्ज घेतले आहे. या शिवाय त्यांच्यावर अन्य कोणत्याही प्रकारचे कर्ज नाही.फडणवीस आणि त्यांच्या पत्नीच्या नावावर कोणतेही वाहन नाही. राज्याच्या उपमुख्यमंत्र्यांविरुद्ध चार खटले प्रलंबित आहेत.