Andheri East Vidhan Sabha : महाविकास आघाडीकडून अंधेरी पूर्व ही जागा ठाकरे यांच्या शिवसेनेला सोडण्यात आली आहे. पक्षाकडून काही दिवसांपूर्वीच विद्यमान आमदार ऋतुजा लटके यांना उमेदवारी देण्यात आली आहे.
महाविकास आघाडीकडून अंधेरी पूर्व ही जागा ठाकरे यांच्या शिवसेनेला सोडण्यात आली आहे. पक्षाकडून काही दिवसांपूर्वीच विद्यमान आमदार ऋतुजा लटके यांना उमेदवारी देण्यात आली आहे. ऋतुजा लटके या २०२२ साली झालेल्या पोटनिवडणुकीत मशाल या चिन्हावर विजयी झाल्या होत्या. ऋतुजा लटके यांचे पती रमेश लटके यांच्या निधनानंतर पोटनिवडणूक झाली होती. त्यावेळी भाजपच्या मुरजी पटेल यांनी पोटनिवडणुकीसाठी शक्तिप्रदर्शन करत अर्ज भरला होता. मात्र त्यानंतर भाजपने पोटनिवडणूक बिनविरोध करण्याचा निर्णय घेतल्याने पक्षश्रेष्ठींच्या आदेशानंतर मुरजी पटेल यांना माघार घ्यावी लागली होती.
आता या विधानसभा निवडणुकीत ही जागा शिवसेनेकडे आली आहे. या जागेवरून माजी पोलिस अधिका प्रदीम शर्मा यांच्या पत्नी स्वीकृत शर्मा निवडणूक लढविण्याच्या तयारीत आहेत. त्यानुसार प्रदीप शर्मा यांनी मतदारसंघात जोरदार तयारी केली आहे. अलिकडेच मुख्यमंत्री एकनाथ शिंदे यांच्या उपस्थितीत स्वीकृती शर्मा यांनी मतदारसंघात मुख्यमंत्री लाडकी बहिण रक्षाबंधन सोहळ्याचेही आयोजन केले होते.
Murji Patel : ठाकरेंच्या उमेदवार ऋतुजा लटकेंविरोधात ‘कमळ’ नव्हे ‘धनुष्यबाण’; महायुतीचा उमेदवार ठरला
मात्र मुरजी पटेल यांनीही निवडणूक लढविण्याचा आग्रह धरला आहे. साहजिकच पटेल आणि शर्मा यांच्या भांडणात महाविकास आघाडीच्या लटके विजयी होण्याची शक्यता आहे. त्यामुळे तोडगा म्हणून शर्मा यांना एखादे सन्मानजनक पद देऊन त्यांना पक्षहितासाठी राजी करता येइल का, यासाठी शिवसेनेतून प्रयत्न सुरू आहेत. तर दुसरीकडे मुरजी पटेल यांचा शिवसेनेत प्रवेश करून त्यांना पक्षाकडून उमेदवारी देण्याबाबतही प्रयत्न सुरू आहेत. अर्थात याला शर्मा कुटुंबियांकडून किती पाठिंबा आहे हे समजू शकलेले नाही.