भाजपचे माजी सहयोगी आणि बार्शीतील प्रभावशाली व्यक्ती राजेंद्र राऊत यांनी एकनाथ शिंदे यांच्या शिवसेनेत प्रवेश केला. मराठा आरक्षणाच्या वादात त्यांचा बदल लक्षणीय आहे. आगामी 2024 च्या विधानसभा निवडणुकीत दिलीप सोपल (मशाल) आणि राजेंद्र राऊत (धनुष्य बान) यांच्यात बार्शीमध्ये चुरशीची लढत होणार आहे.
फडणवीसांचा एक कॉल आणि आमदार थेट शिंदें सेनेत बार्शी तालुक्याचे विद्यमान आमदार राजेंद्र राऊत कोणत्या पक्षाकडून लढणार, याची उत्सुकता राज्याला होती. रविवारी, सकाळी उपमुख्यमंत्री देवेंद्र फडणवीस यांचा राऊत यांना फोन आला. त्यानुसार मुंबईत फडणवीस यांच्याशी सविस्तर चर्चा झाली.त्यानंतर राऊत हे वर्षा बंगल्यावर मुख्यमंत्री एकनाथ शिंदेंकडे गेले. त्यांच्याशी चर्चा करून लगेच शिंदे गटात त्यांनी प्रवेश केला. राजेंद्र राऊत आणि एकनाथ शिंदे यांची वर्षा बंगल्यात बैठक झाली. राजेंद्र राऊतांना एकनाथ शिंदे शिवसेनेचे एबी फॉर्मही देण्यात आले. आता 2024 च्या विधानसभा निवडणुकीत बार्शी तालुक्यात उद्धवसेना विरुद्ध शिंदें सेना अशी लढत होणार, हे स्पष्ट झाले आहे.
दरम्यान, बार्शी मतदारसंघात राजेंद्र राऊत हे २००४ मध्ये शिवसेनेकडून निवडून आले होते. तर २००९ साली दिलीप सोपल यांनी त्यांचा पराभव केला होता, २०१४ ला राष्ट्रवादीकडून दिलीप सोपल यांनी दुसऱ्यांदा विजय मिळवला होता. मात्र २०१९ ला अपक्ष लढलेल्या राऊत यांनी दिलीप सोपल यांचा पराभ करत पुन्हा एकदा आमदारकी मिळवली होता. यंदा ते शिंदेंच्या शिवसेनेकडून रिंगणात उतरले आहेत.