Asim Sarode on Devendra Fadnavis: अॅड. असीम सरोदे यांनी सोमवारी नगरमध्ये पत्रकारांशी संवाद साधला. विधानसभा निवडणुकीत निर्भय बनो चळवळीचा उपक्रम कसा राबविला जाणार आहे, याची त्यांनी माहिती दिली.
हायलाइट्स:
राज्यात देवेंद्र फडणवीस यांच्याविरोधात लाट
असीम सरोदे यांचा आरोप
महाराष्ट्र टाइम्स.कॉमअसीम सरोदे
नगर : लोकसभा निवडणुकीच्यावेळी जशी पतंप्रधान नरेंद्र मोदी यांच्या विरोधात जशी लाट होती, तशीच लाट आता विधानसभा निवडणुकीच्या निमित्ताने उपमुख्यमंत्री देवेंद्र फडणवीस यांच्या विरोधात महाराष्ट्रातील जनतेमध्ये आहे. केवळ सामान्य लोकांमध्येच नव्हे तर भारतीय जनता पक्षातही फडणवीस यांच्या विरोधात सुप्त लाट आहे, असा आरोप ज्येष्ठ विधीज्ञ, निर्भय बनो चळळीचे असीम सरोदे यांनी केला. आरक्षणाचा मुद्दा पेटता ठेऊन हरियाणाच्या धर्तीवर राज्यात भाजपला विजय मिळवून देता येईल, असा त्यांचा प्रयत्न असला तरी तो येथे यशस्वी होणार नाही, असेही सरोदे यांनी सांगितले.अॅड. असीम सरोदे यांनी सोमवारी नगरमध्ये पत्रकारांशी संवाद साधला. विधानसभा निवडणुकीत निर्भय बनो चळवळीचा उपक्रम कसा राबविला जाणार आहे, याची त्यांनी माहिती दिली. त्यांनी सांगितले की, लोकसभा निवडणुकीत आम्ही निर्भय बनोच्या ज्या सभा घेतल्या, त्यातून सुमारे साडेतीन टक्के मतपरिवर्तन होण्यास मदत झाली, असा अनेक सर्वेक्षणांचा निष्कर्ष आहे. त्यावेळी आम्ही महाविकास आघाडीला बिनशर्त पाठिंबा देत काम केले होते. आता मात्र आम्ही त्यांच्यासमोर शर्ती ठेवल्या आहेत. राज्याच्या हिताचा एक अजेंडा आम्ही तयार केला असून तिन्ही पक्षांना तो सादर केला आहे. सत्तेवर आल्यास त्याची अंमलबाजवणी करायची, अशी प्रमुख अट घालण्यात आली आहे. शिक्षण, आरोग्य, रोजगार व पर्यावरण या प्रमुख क्षेत्रांतील मुद्दे यात आहेत. तिन्ही पक्षांनी आमची भूमिका तत्वत: मान्य केली आहे. राज्यातून ७१ ठिकाणांहून सभेचे निमंत्रण आले आहे. यावेळी आम्ही दहा ठिकाणी निवडक पण मोठ्या स्वरूपातील सभा घेणार आहोत. त्यांचा खर्च गेल्यावेळीप्रमाणे लोकवर्गणीतून न करता ज्यांना फायदा होणार आहे, त्या महाविकास आघाडीने करावा, अशी आमचा प्रयत्न आहे, असेही सरोदे यांनी सांगितले. काँग्रेसचं धक्कातंत्र, विद्यमान आमदाराचा पत्ता कट, डॉक्टरच्या मुलाला तिकीट, हेमंत ओगले कोण?
मनोज जरांगे यांचे मराठा आरक्षणाचे आंदोलन आणि प्रा. लक्ष्मण हाके यांचे धनगर आरक्षणाचे आंदोलन यासंबंधी बोलताना सरोदे म्हणाले, आरक्षणावरून राज्यात जे वातावरण केले आहे, त्याचे चित्र विदारक आहे. आंदोलन करणाऱ्यांना आपला राजकीय वापर होत असल्याची जाणीव झाली पाहिजे. आरक्षणासंबंधीची कायदेशीर भूमिका समजावून न घेता हा मुद्दा राजकीय बनविला जात आहे. त्याच दृष्टीने तो पेटता रहावा, अशी काही राजकीय पक्षांची इच्छा असू त्यात त्यांचा फायदा आहे. दोघांना एकमेकांविरोधात बोलण्यासाठी भाग पाडले जात आहे. भाजपकडून हा प्रयत्न होत आहे. हरियाणामध्ये जसा सामाजिक फुटीची फायदा झाला, तसा तो महाराष्ट्रात घेण्याचा त्यांचा प्रयत्न आहे. मात्र, एखाद्या पद्धतीने मिळाले कोणतेही यश दुसऱ्यावेळी त्याच पद्धतीने मिळते, असे नाही. त्यामुळे हा डाव राज्यात यशस्वी होणार नाही. जरांगे पाटील यांना आव्हान देत त्यांचे उमेदवार निवडणुकीत उभे करण्यास भाग पाडले जात आहे. यामागे भाजपचाच डाव आहे. हा जातीय गोंधळ करून ठेवल्याने राज्यात फडणवीस यांच्याविरोधात लाट आहे. ती केवळ सामान्य लोकांमध्ये नव्हे तर खुद्द भाजपमध्येही दिसून येत आहे, असा आरोपही सरोदे यांनी केला.
लेखकाबद्दलविजयसिंह होलमविजयसिंह होलम, ‘महाराष्ट्र टाइम्स’मध्ये विशेष प्रतिनिधी म्हणून कार्यरत. पत्रकारितेमधील २२ वर्षांचा अनुभव. राजकीय, सामाजिक, गुन्हेगारी विषयक आणि चालू घडामोडींच्या विषयांवर वेळोवेळी विश्लेषणात्मक लिखाण करतात. पत्रकारितेतील अनुभवांसंबंधी पुस्तकाचेही लेखन…. आणखी वाचा