Devendra Fadnavis : उपमुख्यमंत्री देवेंद्र फडणवीस यांची नागपुरात गर्जना केली असून शहरातील सर्व जागा जिंकण्याचा दावा केला आहे. काँग्रेसचा सुपडा साफ होईल, आता फेक नरेटिव्हला हरवण्यासाठी नरेटिव्ह तयार झाला असल्याचं ते म्हणाले.
फडणविस म्हणाले, “ये रथ जीत का रथ है, और हार हो तो फुलवाला हार है, वो वाला हार नही है” मागच्या वेळी पश्चिम नागपूरची जागा ही थोड्या मतांनी राहून गेली होती. पुढे बोलतांना फडणवीस म्हणाले, अब कसर पुरी करेंगे और पश्चिम नागपुरमे भगवा नझर आयेगा”. तसंच मागच्यावेळी उत्तर नागपूरमध्ये आपल्याला काँग्रेसने हरवलं नाही, तर फेक नरेटिव्हने हरवलं होते. पण आता नरेटिव्हला हरवण्यासाठी नरेटिव्ह तयार झालेला आहे आणि आता फेक नरेटिव्हच्या विरुद्ध थेट नरेटिव्हची लढाई आता सुरु झाली आहे.
पुढे बोलताना फडणवीस म्हणाले, ज्यांनी खऱ्या अर्थाने रक्ताचं पाणी केलं असे कार्यकर्ते आता निवडणूक लढवत आहेत आणि गडकरी साहेबांचा आशिर्वाद आपल्या सोबत आहे. तसेच त्यांनी केलेले काम, महाराष्ट्र सरकारने केलेले काम आपल्या समोर आहे, त्यामुळे मला विश्वास आहे की, “नागपूर में काँग्रेस का सुपडा साफ करेंगे” असे उपमुख्यमंत्री देवेंद्र फडणवीस म्हणाले.
Nagpur News : काँग्रेस का सुपडा साफ करेंगे… देवेंद्र फडणवीसांची नागपुरात गर्जना, केला मोठा दावा
तसेच पुढे बोलताना फडणवीसांनी सांगितलं की, छेह गोल हम मारेंगे उनको एक भी गोल मारने नही देंगे, उनको झिरो करेंगे, असा संकल्प आमचा नागपूरमध्ये आहे. उद्यापासून दिवसाची रात्र करा. आता आपल्या सर्व उमेदवारांना निवडून आणायचं आहे, असे आवाहन त्यांनी यावेळी केले.
दरम्यान, राज्यातील २८८ जागांसाठी भाजपचे दिग्गज नेते महाराष्ट्रातील विधानसभा निवडणुकीच्या प्रचारासाठी मैदानात उतरणार आहेत. पंतप्रधान नरेंद्र मोदी, केंद्रीय मंत्री नितीन गडकरी, उपमुख्यमंत्री देवेंद्र फडणवीस यांच्यासह सात मुख्यमंत्री, एक डझनहून अधिक आजी-माजी केंद्रीय मंत्री आणि अनेक ४० नेते स्टार प्रचारक म्हणून काम करणार आहेत. पंतप्रधान मोदींच्या महाराष्ट्रात जवळपास १२ ते १३ सभा होतील असा अंदाज आहे. दिवाळीनंतर भाजपातील दिग्गजांच्या अनेक सभा गाजणार आहेत.