Mahalakshmi Varsh 24-25: महालक्ष्मी वर्षाचा आरंभ झाला असून दिवाळीनंतर अनेक ग्रहांचे शुभ योग तयार होत आहेत. दरम्यान या राशींवर माता लक्ष्मीची खास कृपादृष्टी असणार आहे. व्यापारात प्रगती, नोकरीत बढती, विद्यार्थ्यांची प्रगती तसेच कुटुंबात आनंदी वातावरण असेल. काही समस्या येतील पण त्या दूर कशा कराव्यात यासाठी उपाय दिलेले आहेत. चला तर आध्यात्मिक गुरु आणि ज्योतिषी आनंद जौहरी यांच्याकडून जाणून घेवूया महालक्ष्मी वर्ष कोणत्या राशींसाठी फलदायी आहे.
मेष राशी: आर्थिक समस्या, कर्ज घेवू नका
मेष राशीच्या लोकांसाठी हे महालक्ष्मी वर्ष फारसे ठिक नाही. आर्थिक अडचणी येवू शकतात. शनिची साडेसाती तुम्हाला त्रास देऊ शकते. शिक्षणाच्या बाबतीत विद्यार्थ्यांना अडचणींचा सामना करावा लागू शकतो. तसेच जे विद्यार्थी कायद्याचा अभ्यास करत आहेत त्यांच्यासाठी आव्हानात्मक काळ असेल. तब्येत सांभाळायला हवी कारण तुम्हाला हृदयासंदर्भात काही त्रास असेल तर तो आजार डोके वर काढेल. मेष राशीचे जे लोक कायदा, एकाउंट्स आणि दलालीची कामे करतात त्यांना कामात यश मिळेल. करियरमध्ये बदल होण्याची शक्यता आहे. कुटुंबातील वातावरण ठिक असेल जोडीदारासोबत थोडी नाराजी असेल पण सगळं काही ठिक होईल. दुसऱ्यावर टीका केली तर नातेसंबंध बिघडू शकतात हे लक्षात ठेवा. आर्थिक समस्या राहणार आहे तुम्ही कर्ज घेणे शक्यतो टाळावे. शेअर बाजारात ट्रेडिंग करताना प्रतिस्पर्ध्यांपासून अंतर ठेवा.
उपाय: तांदूळ आणि साखरेचे दान करा
शुभ रंग: लाल
शुभ अंक: 3, 9
वृषभ राशी: करिअरमध्ये प्रगती, नातेसंबंध सुधारतील
महालक्ष्मी वर्ष वृषभ राशीच्या लोकांसाठी चांगले असून आर्थिक प्रगती होणार आहे. धनलाभाचे योग आहेत पण अनावश्यक खर्च वाढेल. संपत्तीचा व्यवहार करताना सावध राहा कारण धोका होण्याची शक्यता आहे. करिअरमध्ये नवीन प्रोजेक्ट लाभदायक आहेत. नोकरीत यश असून वेळ तुम्हाल हवी तशी आहे. बँक बॅलन्स वाढणार आहे. व्यवयात तुम्हाला प्रगतीचे नवे मार्ग सापडतील पण त्याचबरोबर आव्हानांचा सामना करावा लागेल. विद्यार्थ्यांना आव्हानांचा सामना करावा लागू शकतो. विद्यार्थ्यांनी कठोर मेहनत करावी म्हणजे उत्तम फळ मिळेल. बिघडलेल्या नात्यांमध्ये सुधारणा होण्याची शक्यता आहे. तब्येत चांगली असून शारिरीक वेदनेचा त्रास होईल. जुन्या गुंतवणुकीमुळे फायदा होणार आहे पण उधार देणे टाळावे.
उपाय: लाल पांढऱ्या रंगाच्या पोटलीत गोमती चक्र ठेवून पूजनानंतर ती पोटली धनसंपत्तीसोबत ठेवा.
शुभ रंग: लाल, हिरवा
शुभ अंक: 1, 6
मिथुन राशी: करिअरमध्ये प्रगती, तब्येत सांभाळा
मिथुन राशीसाठी महालक्ष्मी वर्ष उत्तम आहे. करिअरमधील आव्हाने दूर होणार असून तुम्ही यशोशिखरावर असाल. थोडे फार टेन्शन असेल पण आर्थिक दृष्ट्या तुम्ही समृद्ध असाल. मिथुन राशीसाठी वेळ उत्तम असून करिअरच्या बाबतीत तुम्हाला गुड न्यूज मिळेल. व्यापार उद्योग ठिक आहे पण नवीन व्यवसाय सुरु करण्याचा विचार करु नका. मिथुन राशीचे जो लोक धातूचा व्यापार करतात त्यांनी सावध रहावे. उच्च शिक्षण घेणाऱ्या विद्यार्थ्यांसाठी वेळ उत्तम आहे. तुम्हाला अभ्यासात अडचणी येवू शकतात पण त्यावर तुम्ही मात कराल. नातेसंबंधांच्या बाबतीत सावध राहा. जोडीदारासोबत थोडी नाराजी असेल पण मुलांकडून भरपूर प्रेम मिळेल. तब्येत सांभाळा, अचानक सांधेदुखी किंवा रक्तदाबाचा त्रास होवू शकतो. मधुमेह असेल तर गोड खाताना स्वतःवर नियंत्रण ठेवा. दीर्घकालीन गुंतवणुक लाभदायक आहे पण रियल इस्टेटमध्ये गुंतवणूक करू नका.
उपाय: काळ्या रंगाच्या बासरीत गुळ भरून जमीनीत गाडून टाका आणि मुंग्यांना गुळ खायला द्या.
शुभ रंग: हिरवा, लाल
शुभ अंक: 1, 5, 6
कर्क राशी: करिअरमध्ये धावपळ, तब्येतीची काळजी घ्या
कर्क राशीसाठी हे महालक्ष्मी वर्ष ठिक आहे. नवम शनि मीन राशीत प्रवेश करेल, त्यामुळे शनिच्या ढैय्यांपासून तुम्ही मुक्त व्हाल. आर्थिक स्थिती उत्तम आहे पण तुमच्या धनसंपत्तीचे नुकसान होण्याची शक्यता आहे. करिअरमध्ये थोडी धावपळ असून प्रतिष्ठेला जपण्याचा प्रयत्न करा. विद्यार्थ्यांना अभ्यासात कठोर मेहनत करावी लागेल. नोकरीत बदलाची शक्यता असून कर्मचाऱ्यांसोबत वाद-विवाद टाळा. लहान मोठ्या समस्या येतील त्यातून मार्ग काढा. कुटुंबात अंतर्गत धुसफूस तुम्हाला बेचैन करेल. नात्यांमध्ये सुधारणा करा ते फार महत्त्वाचे आहे. तब्येत सांभाळा, त्वचा विकार असेल तर काळजी घ्या. दुर्घटनांपासून सावध राहा. मधुमेह आणि रक्तदाबाचा त्रास असेल तर वेळोवेळी तपासणी करा.आर्थिक नुकसान होण्याची शक्यता असून दीर्घकालीन गुंतवणूक आणि नातेवाईकांमुळे धनलाभ होवू शकतो.
उपाय: विकलांग किंवा वृद्ध व्यक्तींना तुपाचे खाद्यपदार्थ द्या.
शुभ रंग: लाल, पिवळा
शुभ अंक: 1, 3
सिंह राशी: करिअरमध्ये अडचणींचा सामना, नातेसंबंधात सुधारणा
सिंह राशीसाठी हे महालक्ष्मी वर्ष ठिक असेल. आर्थिक स्थिती चांगली असून अचानक खर्च होण्याची शक्यता आहे. कर्ज घेण्याचे टाळा कारण कर्ज वाढले तर टेन्शन वाढू शकते. करियरमध्ये अडचणींचा सामना करावा लागू शकतो. करिअरमध्ये उत्तम प्रगती आहे पण तुम्हाला अडचणींचा सामना करावा लागू शकतो. काही गोष्टींच्या बाबतीत विचारांची ओढाताण होण्याची शक्यता आहे. वैद्यकीय शिक्षण घेणाऱ्या विद्यार्थ्यांसाठी हे वर्ष उत्तम असून उच्च शिक्षणात यश मिळेल. व्यवसायात धनलाभाचे योग आहेत. नवीन कॉन्ट्रॅक्ट होणार पण कामातील काही अडचणी तुमचे टेन्शन वाढविणार आहेत. बिघडलेले नातेसंबंध सुधारतील पण जोडीदारचे विचित्र वागणे तुम्हाला त्रास देणार आहे. तब्येतीची काळजी घ्या पोटाचे विकार आणि पाठदुखी डोकं वर काढू शकतात.
उपाय: दिव्यांग व्यक्तींना जेवू घाला.
शुभ रंग: लाल, पिवळा
शुभ अंक: 1, 2
कन्या राशी : व्यापारात उत्तम प्रगती, नातेसंबंध जपा
महालक्ष्मी वर्ष कन्या राशीसाठी उत्तम आहे. व्यापारात तुम्ही एक नवीन उंची गाठणार आहात. करिअर उत्तम आहे पण नवीन आव्हानांचा सामना करावा लागेल. तुमची स्वप्न पुर्ण होण्याची वेळ आलेली आहे. सकारात्मक विचार वाढतील तसेच बँक बॅलन्स वाढेल. विद्यार्थ्यांनी नशिबावर अवलंबून राहू नये, अभ्यास करा हीच गोष्ट तुम्हाला यश देवू शकते. नवीन भागीदारी त्रास देऊ शकते. नातेसंबंध काचेसारखे असतात त्यांना जपायला हवं कारण एकदा तडा गेला की त्रास आयुष्यभर भोगावा लागतो. दातदुखीचा त्रास होवू शकतो. मधुमेह असेल तर गोडे खाणे कमी करा.जुन्या गुंतवणुकीत चांगला लाभ मिळेल पण नवीन गुंतवणुक करताना सावध राहा.
उपाय: भोजनाचा पहिला घास गायीसाठी ठेवा किंवा अग्निला अर्पण करा. पाण्यात लाल मिरचीच्या बिया घालून त्या पाण्याने सुर्याला अर्घ्य द्या.
शुभ रंग: हिरवा, लाल
शुभ अंक: 1, 5
तुळ राशी : करिअरमध्ये प्रगती, उच्च शिक्षणात यश
तुळ राशीच्या लोकांसाठी महालक्ष्मी वर्ष लाभदाय असून करिअरमध्ये जोरदार प्रगती होणार आहे. आर्थिक समस्यांपासून मुक्ती मिळेल. काही कारणामुळे तुम्ही कायदेशीर वादात अडकले जाण्याची शक्यता आहे. तेव्हा कोणतेही काम करताना सावध राहा. सुखसमृद्धीचे योग असून तुमच्या मनाप्रमाणे कामे होणार आहेत. विद्यार्थ्यांसाठी हे वर्ष उत्तम असून परिक्षेत सकारात्मक यश मिळेल. उच्च शिक्षणात तुम्ही सफल होणार आहात. करिअर उत्तम आहे फक्त बदलीची शक्यता आहे. मालमत्ता किंवा संपत्ती खरेदी करण्याचा योग आहे. नातेवाईकांमध्ये वादाची शक्यत आहे पण तुम्ही शांत राहा. पाठदुखी, कंबरदुखी त्रास देवू शकते. तब्येतीची काळजी घ्या. अल्पकालीन लाभ देणाऱ्या योजनांच्या मोहजालात अडकू नका. पैसे कमविण्याच्या अनेक संधी येतील.
उपाय: 27 बदाम काळ्या कपड्यात बांधून लोखंडाच्या डब्यात बंद करा आणि तो डबा
अंधार असणाऱ्या ठिकाणी ठेवा.
शुभ रंग: निळा, पांढरा
शुभ अंक: 6,8
वृश्चिक राशी व्यवसायात प्रगती, नोकरीत बढतीचे योग
व्यवसायात वेळ उत्तम असून प्रगती होणार आहे. तुमचा कामातील उत्साह पाहून विरोधक शांत होतील. आर्थिक स्थिती ठिक आहे पण तुमचा खर्च वाढणार आहे. तुमची बचत काही कारणामुळे खर्च होण्याची शक्यता आहे. प्रतिष्ठेवर प्रश्नचिन्ह निर्माण होवू शकते. तुमच्या बुद्धीमत्तेत वाढ होणार असून तुम्ही प्रत्येक अडचणींचा योग्य प्रकारे सामना कराल. विद्यार्थ्यांसाठी हे वर्ष महत्त्वाचे असून तुम्हाला परिक्षा आणि स्पर्धेत उत्तम यश मिळेल. आर्थिक स्थिती ठिक असून गुंतवणुकितून लाभ होईल. वर्षातील उत्तरार्धात नोकरीमध्ये बढतीचे योग आहेत. व्यवसायात नवीन संधी येतील त्याचा लाभ घ्या. कुटुंबात थोडे मतभेद जाणवतील त्यामुळे तुम्ही टेन्शनमध्ये असाल. जोडीदार किंवा मुले आजारी पडण्याची शक्यता आहे. मुलांबद्दल तुम्ही काळजी करणार आहात. शारीरिक विकारामुळे त्रास होईल. मानसिक ताणतणाव वाढेल. डोळ्यांचा त्रास असेल तर तपासणी करणे गरजेचे आहे.
उपाय: एक महिना काळ्या रंगाच्या बासरीत गूळाची पावडर भरून ते जमिनीत गाडून टाका.
शुभ रंग: हिरवा, लाल
शुभ अंक: 1, 5