काँग्रेसला डबल झटका, आधी रवी राजा, मग विद्यमान आमदारानेही पक्ष सोडला, शिवसेनेत जाहीर प्रवेश

महाराष्ट्र विधानसभा निवडणुकांच्या तोंडावर काँग्रेसला मोठा धक्का बसला आहे. कारण जयश्री जाधव या कोल्हापूर उत्तर विधानसभा मतदारसंघातून पक्षाच्या मावळत्या आमदार आहेत. येत्या निवडणुकीत तिकीट नाकारल्यामुळे त्या नाराज होत्या. मात्र उमेदवारी अर्ज दाखल करण्याची अंतिम मुदत संपल्यानंतर त्यांनी पक्षाला रामराम ठोकत धनुष्यबाण घेतल्याने त्यांच्या बंडखोरीचा फटका काँग्रेसला बसणार नसला, तरी त्यांच्या समर्थकांची मोठी ताकद शिंदेसेनेकडे वळणार आहे.

महिला उपनेते पदाची जबाबदारी

जयश्री चंद्रकांत जाधव, सत्यजित जाधव यांनी ठाण्यात मुख्यमंत्री एकनाथ शिंदे यांच्या खाजगी निवासस्थानी झालेल्या कार्यक्रमात शिवसेनेत जाहीर प्रवेश केला. मुख्यमंत्री एकनाथ शिंदे यांच्या उपस्थितीत जाधव यांनी हा प्रवेश केल्यानंतर कोल्हापूर जिल्ह्यात शिवसेना बळकट करण्यासाठी व महिला सक्षमीकरणासाठी जयश्री जाधव यांची पक्षाला मदत होईल असा विश्वास मुख्यमंत्री शिंदे यांनी व्यक्त केला. याप्रसंगी जयश्री जाधव यांच्यावर शिवसेना महिला उपनेते पदाची जबाबदारी सोपवण्यात आली.
C Voter Survey Maharashtra : मुख्यमंत्रिपदासाठी कुणाला पसंती? फडणवीस तिसऱ्या नंबरवर, शरद पवारांना दादांहून अधिक मतं, टॉपवर कोण?

कोण आहेत जयश्री जाधव?

कोल्हापूर उत्तर विधानसभा मतदारसंघातून आमदारपदी असताना काँग्रेस नेते चंद्रकांत जाधव यांचं निधन झालं. त्यानंतर या ठिकाणी पोटनिवडणूक झाली. त्यावेळी त्यांच्या पत्नी जयश्री जाधव यांना महाविकास आघाडीने उमेदवारी दिली. भाजपने सत्यजित उर्फ नाना कदम यांच्या गळ्यात उमेदवारीची माळ घातली होती. कदम हे महाडिक गटाचे कट्टर समर्थक असून आमदार सतेज पाटलांशी त्यांचे राजकीय वैर आहे. परंतु जयश्री जाधव १८ हजार ९०१ मतांनी विजयी झाल्या आणि बंटी पाटलांच्या चेहऱ्यावर आनंद पसरला होता.

जयश्री जाधव यांना तिकीट नाकारुन काँग्रेसने आधी राजेश लाटकर यांना कोल्हापूर उत्तर विधानसभा मतदारसंघातून उमेदवारी दिली होती, मात्र त्यांनाही विरोध झाल्यामुळे अखेरच्या क्षणी मधुरिमाराजे यांना तिकीट जाहीर करण्यात आले. तर महायुतीकडून शिवसेनेतर्फे माजी आमदार राजेश क्षीरसागर रिंगणात आहेत.
Prakash Ambedkar : हृदयात रक्ताची गुठळी, प्रकाश आंबेडकर पुण्यातील रुग्णालयात आयसीयूमध्ये दाखल

रवी राजा यांचा रामराम

दुसरीकडे, मुंबईतील काँग्रेसचा चेहरा अशी ओळख असलेले ज्येष्ठ नेते रवी राजा यांनी पक्षाचा ‘हात’ सोडत भारतीय जनता पक्षाचा झेंडा हाती घेतला. रवी राजा यांनी मुंबई महापालिकेत विरोधीपक्ष नेते पद भूषवले आहे. तिकीट न मिळाल्याने नाराजीतून त्यांनी काँग्रेस अध्यक्ष मल्लिकार्जुन खर्गे यांच्याकडे आपला राजीनामा सुपूर्द केला.