Sanjay Raut on Rashim Shukla: ”आता निवडणुका आहेत आणि त्यामध्ये हा सोहळा होत आहे. याआधी जेव्हा हा सोहळा व्हायचा तेव्हा निवडणुका नव्हत्या आता निवडणुका आहेत”.
हायलाइट्स:
पोलीस महासंचालकपदी रश्मी शुक्ला यांची नेमणूक बेकायदेशीर
त्या निष्पक्षपणे काम करत नाहीत
खासदार संजय राऊत यांचा आरोप
महाराष्ट्र टाइम्स.कॉमसंजय राऊत रश्मी शुक्ला आरोप
मुंबई : ”राज्याच्या पोलीस महासंचालकपदी रश्मी शुक्ला यांना निवडणूक काळात पदावर ठेवू नये अशी मागणी वारंवर होत आहे. मात्र निवडणूक आयोग म्हणते ते आमच्या हातात नाही, एकीकडे दुसऱ्या राज्यात पोलिस संचालक बदलतात. महाराष्ट्रातील पोलीस महासंचालकांवर गंभीर स्वरुपाचे आरोप आहेत, त्या निष्पक्षपणे काम करत नाहीत, विरोधकांना त्रास देतात. महाराष्ट्रातील पोलीस दल हे दबावाखाली काम करत आहे कारण त्यांना आदेश देण्याचे काम रश्नी शुक्ला करत आहेत”, असा घणाघाती आरोप शिवसेनेचे (उद्धव ठाकरे) खासदार संजय राऊत यांनी केला. ”आमच्या कार्यकर्त्या तडीपार करुन निवडणूक आपल्या ताब्यात घ्यायची आणि याच्या सूत्रधार राज्याच्या पोलीस महासंचालक रश्मी शुक्ला आहेत. निवडणूक आयोगाला वारंवार सांगत आहोत की जर राज्यात पारदर्शक पद्धतीने निवडणूका करायच्या असतील तर रश्मी शुक्ला यांना हटवावेच लागेल. रश्मी शुक्ला यांना का हटवत नाही? त्यांचा पूर्व इतिहास चांगला नाही. आमचे फोन टॅपिंग केले जात होतो त्यानंतर त्यांच्यावर गुन्हा दाखल झाला, निलंबित झाले आणि फडणवीस यांनी त्यांना पुन्हा पदावर घेतले. आमच्या मतदारसंघात आमच्या प्रतिनिधींना त्रास दिला जातो आहे. रश्मी शुक्ला यांची नेमणूकच बेकायदेशीर आहे. फडणवीसांच्या बाजूने असलेल्या लोकांना त्या मदत करतात बाकी सगळ्यांना तडीपार आणि त्रास देण्याचे काम करतील अशा पद्धतीने निवडणूक कशी होऊ शकते? असा सवाल देखील राऊतांनी यावेळी केला. Akhil Chitre : राजसाहेबांना फसवलं, सिद्दीकींच्या सल्ल्याने तृप्ती सावंत मनसेच्या तिकिटावर, हा घ्या पुरावा; मनसे नेत्याने फोटोच टाकला
”आता निवडणुका आहेत आणि त्यामध्ये हा सोहळा होत आहे. याआधी जेव्हा हा सोहळा व्हायचा तेव्हा निवडणुका नव्हत्या आता निवडणुका आहेत. मात्र आता अशा माध्यमातून प्रचार होत असेल आणि राजकीय पक्षाने आक्षेप घेतला असेल तर तो रडीचा डाव नाही. दीपोत्सव किती दिवस होतो आणि दसरा मेळावा एकच दिवस होतो. आचारसंहितेचा भंग होत असेल तर त्यावर आक्षेप घेणं चुकीचं नाही”.
दरम्यान, महायुतीचा विधानसभा निवडणुकीत पराभव ठरलेला आहे. जनतेने ठरवलंय की यांना हरवायचं आहे, असा आत्मविश्वास देखील संजय राऊत यांनी दाखवला.
लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा