महायुती आणि महाविकास आघाडीचे जागावाटप झाल्यावर अनेक जागांवर बंडखोरी झाली आहे. तिकीट न मिळाल्यामुळे नाराज झालेल्या इच्छुकांनी उमेदवारी अर्ज दाखल केले आहेत. त्यामुळे डॅमेज कंट्रोलसाठी पक्षश्रेष्ठी आपले प्रयत्न करत आहेत. मात्र सांगलीमध्ये लोकसभेनंतर विधानसभेलाही बंडखोरी रोखण्यात काँग्रेसला अपयश आल्याचं दिसत आहे.
जयश्री पाटील यांना विधान परिषदेची देखील ऑफर देण्यात आली होती. परंतु जयश्री पाटील यांनी विधान परिषदेची ऑफर नाकारली असून त्या विधानसभा निवडणूक लढण्यावर काम आहेत. तसेच खासदार विशाल पाटील देखील माझ्यासोबत असल्याचा निर्वाळा जयश्री पाटील यांनी दिलाय. जयश्री पाटील यांनी निवडणूक आयोगाकडे पाकीट चिन्ह मागितलं आहे. लोकसभा निवडणुकीमध्ये विशाल पाटील यांनी पाकीट चिन्हावर निवडणूक लढवून विजयी झाले होते. त्यामुळे जयश्री पाटील यांनी देखील पाकीट चिन्ह मागितलं आहे.
काँग्रेस पक्षाकडून अधिकृत उमेदवारी पृथ्वीराज पाटील यांना जाहीर झाले आहे पृथ्वीराज पाटील यांनी जयश्री पाटील यांची भेट घेत बंडखोरी न करण्याचे विनंती केली होती परंतु कोणत्याही परिस्थितीमध्ये निवडणूक लढण्यावर जयश्री पाटील हे ठाम आहेत. पाच तारखेला सांगलीमध्ये प्रचाराचा शुभारंभ केला जाणार आहे यावेळी खासदार विशाल दादा पाटील आणि काँग्रेस पक्षातील सर्व अशी माझी नगरसेवक यावेळी मोठ्या संख्येने उपस्थित राहतील असा एक विश्वास त्यांनी यावेळी बोलून दाखवला आहे. तसेच काँग्रेसचे उमेदवार पृथ्वीराज पाटील यांनी आपल्यालाच पाठिंबा द्यावा भाजपचा पराभव मी करू शकतो त्यामुळे माझ्यासोबत त्यांनी यावं असेही आव्हान त्यांनी या वेळेस केला आहे. त्यामुळे सांगलीमध्ये पुन्हा सांगली पॅटर्न पहाव्यास मिळणार आहे.