Solapur News : मनोज जरांगेंचा एमडीएम फॅक्टर चालणार? ते किंगमेकर नव्हे, तर किंगच; मराठा बांधवांच्या प्रतिक्रिया

बार्शी विधानसभा मतदारसंघात एमडीएम फॅक्टर चालणार का?

सोलापूर जिल्ह्यातील बार्शी विधानसभा मतदार संघात मुस्लिम, मराठा आणि लिंगायत समाजाची मतदार संख्या मोठ्या संख्येने आहे. बार्शीत २०१९ च्या निवडणुकीत अपक्ष आमदार राजेंद्र राऊत यांनी बाजी मारत दिलीप सोपल यांचा जवळपास साडेतीन हजार मतांनी पराभव केला होता. यंदाच्या विधानसभा निवडणुकीत बार्शी मतदारसंघात दिलीप सोपल आणि राजेंद्र राऊत यांच्यातच खरी लढत होणार असं चित्र बार्शीत आहे. मनोज जरांगे यांच्याकडून उमेदवार अर्ज भरणाऱ्यात युवराज काटे, भाऊसाहेब आंधळकर, आनंद काशीद हे देखील आहेत. दिलीप सोपल यांनी देखील मनोज जरांगेची भेट घेतली आहे.
Rohit Pawar : साहेबांनी पाडवा सुरू केला, त्यांचं बोट धरून अजितदादा आले; आता शरद पवार जिथे उभे राहतात, तिथेच लोक भेटायला जातात

अक्कलकोट विधानसभा मतदारसंघात मुस्लिम आणि लिंगायत मोठ्या संख्येने; एमडीएम फॅक्टरचा प्रभाव

मनोज जरांगे यांचा एमडीएम फॅक्टर सोलापुरात प्रभावशाली ठरणार आहे. माढा, करमाळा, पंढरपूर विधानसभा मतदारसंघात मराठा मतदारांची संख्या मोठ्या प्रमाणात आहे. त्याचबरोबर अक्कलकोट विधानसभा मतदारसंघात मुस्लिम मतदारांची संख्या, मुस्लिम मतदार मोठ्या संख्या संख्येने आहेत, त्यामुळे एमडीएम फॅक्टरचा सोलापुरात विविध मतदारसंघात मोठा प्रभाव पाहायला मिळणार आहे.

दरम्यान, उबाठा गटाचे उमेदवार दिलीप सोपल यांनी १ नोव्हेंबर रोजी मनोज जरांगे पाटील यांची भेट घेतली होती. यावेळी दिलीप सोपल यांच्यासोबत मराठा समाजातील अनेक सहकारी होते. दिलीप सोपल आणि जरांगे पाटील यांच्या भेटीनंतर बार्शीतील राजकीय वर्तुळात एकच चर्चा होती.