अजित पवार यांनी प्रस्तावित केलेल्या आगामी विधानसभा निवडणुकीसाठी राष्ट्रवादीचे नेते नवाब मलिक यांच्या उमेदवारीवरून महायुतीतील वादाला तोंड फुटले आहे. अंडरवर्ल्ड डॉन दाऊद इब्राहिमशी त्याच्या कथित संबंधांचा हवाला देत भाजप नेत्यांनी नापसंती व्यक्त केली आहे, मलिकांचा प्रचार करण्यासही नकार दिला आहे. अशातच नवाब मलिक यांनी मोठे विधान केले आहे.
नवाब मलिक काय म्हणाले?
एक आमदाराची पार्टी मुख्यमंत्रिपदाची शपथ घेता येऊ शकते. अजित पवार यांचा तर पक्ष मोठा आहे. विधानसभा निवडणुकीचा निकाल लागेल तेव्हा अजित पवार किंगमेकरच्या भूमिकेत असणार आहेत. एखादा मुसलमान असेल तर त्याला आतंकवादी बनवणं सोपं असतं. मुसलमान आहे तर त्याचे संबंध अंडरवर्ल्ड डॉन दाऊदसोबत जोडले जातात. दाऊदचं नाव घेऊन बदनाम करणाऱ्यांवर कायदेशीर कारवाई करणार असल्याचं नवाब मलिक यांनी म्हटलं आहे.
नवाब मलिक यांचा आम्ही प्रचार करणार नाही. आम्हाला महायुतीमध्ये ते उमेदवार म्हणून नकोत, आम्ही राष्ट्रवादीला स्पष्टपणे त्यांना मलिकांना तिकीट दिलं जाऊ नका असं सांगितल्याचं देवेंद्र फडणवीस यांनी माध्यमांशी बोलताना सांगितलं. त्यामुळे महायुतीमध्ये मलिकांवरून दादा आणि फडणवीसांमध्ये वाद होण्याची शक्यत आहे. कारण भाजपने मलिकांविरोधात गंभीर आरोप केले होते आणि आता तेच मलिक महायुतीमधील उमेदवार असल्याने विरोधकांना आयतं कोलीत मिळालंं आहे.
दरम्यान, नवाब मलिक हे यंदाच्या विधानसभा निवडणुकीमध्ये शिवाजीनगर मानखुर्द म्हणून लढणार आहेत. तर त्यांची मुलगी सना मलिक अणुशक्तीनगर मतदारसंघातून निवडणूक लढवणार आहेत. मलिकांनी आम्ही दोघे यंदाची निवडणू जिंकणार असल्याचा विश्वास व्यक्त केला आहे. मात्र भाजपने मलिकांना आपला विरोध कायम ठेवला आहे.