शेट्टींनी ज्यांचं नाव घेतलं, ते बंडखोरी शमवायला मुंबईत, फडणवीसांचा पुढाकार, ‘सागर’वर समजूत

विधानसभा निवडणुकांसाठी उमेदवारी अर्ज मागे घेण्यास चार नोव्हेंबरपर्यंतची मुदत आहे. उद्या रविवारी सुट्टी असल्यामुळे तांत्रिकदृष्ट्या सोमवारचा एकच दिवस आहे. त्यामुळे शेट्टींच्या नाराजीला ‘सागर’ बंगल्यावर वाट मिळते का, हे पाहणं महत्त्वाचं आहे.

दरम्यान, काही ठिकाणी मोठा रोष आहे, ते सगळे आमचे लोक आहेत. त्यांना समजावू, पक्षाच्या व्यापक हितासाठी ते मानतील आणि बंडखोरी मागे घेतली अशी अपेक्षा उपमुख्यमंत्री देवेंद्र फडणवीस यांनी काल व्यक्त केली होती.
Raj Thackeray : गेम फिरला! महायुतीची अडचण, मनसेची उमेदवारी मागे घेण्याचा मेसेज, राज ठाकरेंच्या भेटीनंतर ‘इंजिन’ यार्डात

गोपाळ शेट्टींची बंडखोरी का?

लोकसभा निवडणुकीत पियुष गोयल यांच्यासाठी पत्ता कापलेल्या गोपाळ शेट्टी यांना राजकीय पुनर्वसनाचा शब्द त्यावेळीही देण्यात आला होता. मात्र विधानसभेला तिकीट मिळण्याच्या आशेवर असलेल्या शेट्टींना भाजपच्या तिसऱ्या यादीत धक्काच बसला. विद्यमान आमदार सुनील राणेंचं बोरीवलीतून तिकीट कापलंच, पण मुंबई भाजप सरचिटणीस संजय उपाध्याय यांना उमेदवारी देण्यात आली. त्यामुळे त्यांनी अपक्ष उमेदवारी अर्ज दाखल करण्याचं ठरवलं.
Eknath Shinde : राज ठाकरेंना रणनीती विचारलेली, त्यांनी परस्पर उमेदवारच दिला, माहीममध्ये माघार नाही, शिंदेंची स्पष्टोक्ती
बोरीवली ही धर्मशाळा नाही, कायद्याने कोणीही कुठूनही लढू शकत असलं, तरी काही स्थानिक मुद्दे असतात. आधी विनोद तावडेंना आणलं, मग सुनील राणेंना, माझी सीट पियूष गोयल यांना दिली, तरीही मी गप्प बसलो. संजय उपाध्याय चांगले कार्यकर्ते आहेत, त्याबद्दल वाद नाही, परंतु बोरिवलीत वारंवार खेळ करणं योग्य नाही, असं गोपाळ शेट्टी म्हणाले होते. मी पक्षाकडे तिकीट मागितलं नव्हतं, त्यामुळे याला बंड म्हणणं चुकीचं आहे. परंतु मी भाजपच्या ध्येय धोरणांना हरताळ फासत नाही, असं गोपाळ शेट्टी यांनी सांगितलं होतं.