Pune Lonavala BJP Worker Murder: या घटनेची माहिती मिळाल्यानंतर लोणावळा ग्रामीण पोलिसांनी तपास सुरू केला. हातऊसने दिलेल्या पैशांच्या वादातून अक्षयने निलेशचा खून केल्याची माहिती तपासात मिळाली.
हायलाइट्स:
मित्रांच्या साथीने दगड डोक्यात टाकून हत्या
पुण्यातील भाजप कार्यकर्त्याच्या खूनाचा उलगडा
पोलिसांनी मित्रासह तिघांना अटक केली
महाराष्ट्र टाइम्स.कॉमपुणे भाजप कार्यकर्ता हत्या
पुणे : पुण्यात गुन्हेगारीचं प्रमाण काही करता कमी होत नाहीय. याचदरम्यान, मावळ येथील पवनानगर परिसरात भारतीय जनता पक्षाच्या एका पदाधिकाऱ्याचा खून प्रकरणाचा उलगडा करण्यात पोलिसांना यश आले. भाजप पदाधिकाऱ्याचा हातऊसने दिलेल्या पैशांच्या वादातून मित्राने साथीदारांच्या मदतीने दगडाने ठेचून खून केल्याचे तपासात उघडकीस आले आहे. या प्रकरणी पोलिसांनी मित्रासह तिघांना अटक केली.निलेश दत्तात्रय कडू (वय ३२, रा. सावंतवाडी, पवनानगर, ता. मावळ) असं खून झालेल्याचे नाव आहे. या प्रकरणी अक्षय बाळू घायाळ (रा. सावंतवाडी, पवनानगर, ता. मावळ), पियूष विश्वनाथ डोंगरे, साहिल साईनाथ जाधव (दोघे रा. प्रभाचीवाडी, ता. मावळ) यांना अटक करण्यात आली. निलेश कडू भारतीय जनता पक्ष विद्यार्थी आघाडीचा पदाधिकारी होता. आरोपी अक्षय आणि निलेश मित्र आहेत. हातऊसने दिलेल्या पैशांमधून काही दिवसांपूर्वी त्यांच्यात वाद झाले होते. कडू आणि घायाळ यांच्याविरुद्ध कामशेत आणि लोणावळा ग्रामीण पोलीस ठाण्यात यापूर्वी गुन्हे देखील दाखल झाले होते. ३१ ऑक्टोबर रोजी कडू आणि आरोपी घायाळ, डोंगरे, जाधव प्रभाची वाडी परिसरात रात्री दारु पित होते. हातऊसने दिलेल्या पैशांवरुन त्यांच्यात वाद झाला. त्यानंतर आरोपींनी कडू याच्यावर तीक्ष्ण शस्त्राने वार केले. त्याच्या डोक्यात दगड घालून खून केला. Raj Thackeray : धनुष्यबाण उद्धव ठाकरे-शिंदेंची प्रॉपर्टी नाही, राज ठाकरेंचा निशाणा; कितीही वैचारिक वाद असले, तरी शरद पवार…
या घटनेची माहिती मिळाल्यानंतर लोणावळा ग्रामीण पोलिसांनी तपास सुरू केला. हातऊसने दिलेल्या पैशांच्या वादातून अक्षयने निलेशचा खून केल्याची माहिती तपासात मिळाली. त्यानंतर त्याला तळेगाव दाभाडे परिसरातून पोलिसांनी ताब्यात घेतले. चौकशीत त्याने साथीदार डोंगरे, जाधव यांच्याशी संगनमत करुन खून केल्याची कबुली दिली. पोलिसांनी तिघांना अटक केली. पोलीस अधीक्षक पंकज देशमुख, अतिरिक्त अधीक्षक रमेश चोपडे, उपविभागीय अधिकारी राजेंद्र मायने यांच्या मार्गदर्शनाखाली लोणावळा ग्रामीण पोलीस ठाण्याचे पोलीस निरीक्षक किशोर धुमाळ, सहायक पोलीस निरीक्षक प्रशांत आवारे, उपनिरीक्षक प्रकाश वाघमारे, विजय म्हात्रे यांनी ही कामगिरी केली.
लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा