Sanjay Raut : बाळासाहेब ठाकरे राज ठाकरेंना माफ करणार नाहीत, संजय राऊत असं का म्हणाले?

बाळासाहेब ठाकरे यांची शिवसेना आहेर म्हणून मोदी आणि शहा या दोन व्यापाऱ्यांनी शिंदेंना दिली. शिवसेनेचा धनुष्यबाण शिंदेंना देणारे मोदी-शहा कोण? त्याच मोदी-शहांची तळी राज ठाकरे उचलत आहेत. शिवसेना ही बाळासाहेब ठाकरेंची प्रॉपर्टी शिंदेंना दिली यावर राज ठाकरेंनी बोलायला हवं, त्यांनी गॅलरीमध्ये उभे राहून बोलायला हवं. सभागृहात, मैदानात काय चाल्लंय हे पाहायला हवं. आज ते देवेंद्र फडणवीस, अमित शहा आणि पंतप्रधान नरेंद्र मोदी यांना नेते मानतात, याच नेत्यांनी बेकायदेशीरपणे शिवसेना शिंदेंना दिली, त्याच भाजपचा मुख्यमंत्री आपण महाराष्ट्रामध्ये करायला निघाला आहात यासारखं पाप नाही. त्यामुळे बाळासाहेब राज ठाकरेंना माफ करणार नाहीत. राज ठाकरे मूळ मुद्दा सोडून बोलतात, त्यांचा मुद्दा इतकाच आहे की, महाराष्ट्रात त्यांना भाजपचा मुख्यमंत्री करायचाय जो महाराष्ट्रचा शत्रू आहे, असं म्हणत संजय राऊतांनी राज ठाकरेंवर टीका केली.

माहीम मतदारसंघात तिरंगी लढत होणार आहे. या लढतीबाबत बोलताना, संजय राऊत यांनी ठाकरे गटाचे उमेदवार महेश सावंत यांचाच विजय होणार असून १५ ते २० हजारांनी ते निवडून येणार असल्याचं म्हटलं आहे. यासोबतच काँग्रेस उत्तर कोल्हापूर जागेबाबतही मोठे विधान राऊतांनी केले आहे.

दरम्यान, मी कोल्हापूर उत्तर जागेसाठी सात दिवस बैठकीमध्ये भांडलो आहे. सात वेळा जागेवर शिवसेनेने जिंकलो होतो. २०१९ वेळी आम्ही अपघाताने हरलो. पोटनिवडणुकीमध्ये उद्धव ठाकरेंनी त्यावेळी काँग्रेसला पाठिंबा देतो असं सांगितलेलं आणि त्यानंतर ती जागा आम्हाला सोडावी. पण काँग्रेसने आम्हाला जागा सोडली नाही हे दुर्दव्य असल्याचं संजय राऊत म्हणाले.