निवडणुकीच्या तोंडावर भाजपची मोठी कारवाई, बड्या नेत्याची पक्षातून हकालपट्टी; कारणही सांगितलं

दिलीप भोईर हे भाजपच्या तिकिटावर निवडणूक लढवण्यास इच्छुक होते. मात्र महायुतीमधील जागा वाटपामध्ये अलिबाग मतदारसंघाची उमेदवारी शिवसेना शिंदे गटाचे विद्यमान आमदार महेंद्र दळवी यांना आल्याने भाजपचे जिल्हा उपाध्यक्ष दिलीप भोईर हे नाराज होते. त्यांनी जोरदार शक्ती प्रदर्शन करत उमेदवारी अर्ज दाखल केला होता. भोईर हे पूर्वी शेकापमध्ये होते. दोन वर्षांपूर्वी ते भाजपमध्ये आले.
श्रीजया चव्हाणांविरोधात २५ उमेदवार रिंगणात; अर्ज मागे घेण्याच्या शेवटच्या दिवशी ११५ उमेदवारांची मनधरणी करण्यात यश
अलिबाग – मुरुड मतदारसंघातील काम पाहून भाजपने त्यांना जिल्हा उपाध्यक्ष तसेच अलिबागच्या भाजपच्या वॉर रूमची जबाबदारी दिली होती. मतदारसंघात भोईर यांनी भाजपची ताकद वाढवली होती. अलिबागचा पुढील आमदार भाजपचा असेल असे वक्तव्य पक्षाचे प्रदेशाध्यक्ष चंद्रशेखर बावनकुळे यांनी अलिबाग येथे केले होते. त्यामुळे भोईर यांना भाजप उमेदवारी देईल म्हणून ते आशावादी होते. मात्र महायुतीच्या जागा वाटपामध्ये अलिबागची उमेदवारी शिंदे गटाचे आमदार महेंद्र दळवी यांना दिल्याने ते नाराज होते.
Sharad Pawar : ३० वर्ष जबाबदारी, तरी कामं झालं नाही; आता नेतृत्व बदलण्याची गरज, शरद पवारांचा अजितदादांवर निशाणा
दिलीप भोईर यांनी विधानसभा निवडणुकीसाठी अर्ज भरण्याच्या शेवटच्या दिवशी मोठा गाजावाजा करत उमेदवारी अर्ज दाखल केला होता. त्यांनी उमेदवारी अर्ज मागे घ्यावा यासाठी भारतीय जनता पक्षासह महायुतीच्या विविध पदाधिकाऱ्यांनी संवाद साधला होता. मात्र त्याचा काहीही फायदा झाला नाही.

अलिबाग- मुरुड- रोहा विधानसभा मतदारसंघात महायुतीच्या अधिकृत उमेदवाराविरोधात भारतीय जनता पार्टीचे बंडखोर दिलीप भोईर यांनी निवडणूक रिंगणात उमेदवारी अर्ज कायम ठेवला. यामुळे पक्षविरोधी कारवाई केल्याचा ठपका ठेवून भारतीय जनता पक्षाच्या प्रदेश अध्यक्षांच्या सूचनेनुसार भाजपचे रायगड जिल्हा उपाध्यक्ष आणि अलिबाग मुरुड विधानसभा अध्यक्ष दिलीप भोईर यांना पक्षातून सहा वर्षांसाठी निलंबित करण्यात आले, असल्याची माहिती रायगड जिल्हाध्यक्ष तथा राज्यसभेचे खासदार धैर्यशील पाटील यांनी पत्रकार परिषदेमध्ये दिली.
उबाठा गटाचे सामुहिक राजीनामे ना मंजूर, निष्ठावंतांनी एकत्र येऊन गद्दार पोपटाचा डोळा फोडा मातोश्रीवरुन आदेश
भारतीय जनता पार्टीचे उपाध्यक्ष आणि अलिबाग मुरुड विधानसभा अध्यक्ष दिलीप भोईर यांनी विधानसभेसाठी उमेदवारी अर्ज भरला होता. महायुतीच्या धोरणानुसार अधिकृत उमेदवार असतानाही उमेदवारी अर्ज भरल्याने त्यांना वरिष्ठ नेत्यांनी आणि स्थानिक नेत्यांनी उमेदवारी अर्ज मागे घेण्यासंदर्भात समजूत काढण्याचा प्रयत्न केला होता. परंतु उमेदवारी अर्ज माघारीच्या दिवशी दिलीप भोईर यांनी आपला उमेदवारी अर्ज कायम ठेवून पक्षाच्या धोरणाविरोधात कारवाई केल्याने त्यांना भारतीय जनता पार्टीमधून सहा वर्षांसाठी निलंबित करण्यात आले आहे. त्यांच्यासमवेत असणाऱ्या भाजपच्या कार्यकर्त्यांना देखील याबाबतची समाज देण्यात आली आहे.
देवेंद्र फडणवीस यांच्या प्रचारासाठी अमृता फडणवीस मैदानात, पतीहून १० पटीने अधिक श्रीमंत आहेत मिसेस उपमुख्यमंत्री
तूर्तास दिलीप भोईर यांच्यावरच निलंबनाची कारवाई करण्यात आली असून कार्यकर्त्यांनी त्यांच्यासोबत राहून काम केल्यास पक्षाला कटू निर्णय घेऊन त्यांच्यावर कारवाई कारवाई लागेल असे स्पष्ट मत खासदार धैर्यशील पाटील यांनी मांडले. यावेळी भाजपचे ज्येष्ठ नेते सतिश धारप यांनी सांगितले की, महेंद्र दळवी हेच महायुतीचे उमेदवार असून त्यांचा विजय होण्यासाठी कार्यकर्त्यांनी पराकाष्ठा करायची आहे.

अलिबाग विधानसभा मतदारसंघात तयार झालेली परिस्थिती २०१९ च्या निवडणुकीत उरण मतदारसंघात तयार झाली होती. त्यावेळी भारतीय जनता पक्षाने महेश बालदी यांच्यावर कोणतीच कारवाई केली नव्हती. कारण त्यांच्या पाठीवर भाजपच्या बड्या नेत्याचा वरदहस्त होता. दिलीप भोईर यांनी देखील भाजप वाढवण्यासाठी आकाश पातळ एक करून आमदारकी लढवण्याचे स्वप्न पहिले आणि उमेदवारी अर्ज भरला. परंतु बड्या नेत्याचा वरदहस्त नसल्याने त्यांच्यावर भाजपने निलंबनाची कारवाई केली असल्याची चर्चा मतदारसंघात ऐकू येत आहे.