Baramati Vidhan Sabha Nivadnuk: सध्या सुनेत्रा पवार या अजित पवार आणि राष्ट्रवादीच्या इतर उमेदवारांसाठी प्रचार करत आहेत. यावेळी त्यांनी अजित पवार हे जिंकणार असा विश्वास व्यक्त केला.
उपमुख्यमंत्री अजित पवारांच्या विरोधात आजवर जे जे उमेदवार उभे राहिले त्यांचे डिपॉझिट जप्त झाले आहे. आता काय होईल. या प्रश्नावर बोलताना सुनेत्रा पवार म्हणाल्या की, याबाबत बारामतीकर ठरवतील काय करायचं ते..! याबाबतचा सर्व निर्णय बारामतीकरांचा आहे. तसेच विरोधकांकडून भावनिकतेचा मुद्दा उपस्थित केला जात आहे. यावर त्या म्हणाल्या की, बारामतीची जनता खूप हुशार आहे. ती मतदानातून आपल्याला दाखवून देईल, असे त्या म्हणाल्या.
जनतेला माहित आहे नक्की काय करायचं – सुनेत्रा पवार
सुनेत्रा पवार या गेल्या काही दिवसांपासून उपमुख्यमंत्री अजित पवारांच्या प्रचारासाठी बारामती तालुक्यातील गावोगावी फिरत आहेत. आतापर्यंत त्यांनी ४५ गावांचा दौरा केला आहे. बारामती तालुक्यातील जनता हुशार असून ती मतदानातून दाखवून देईल, दादांचे काम आहे. लोकांच्या आयुष्यात कामामुळे बदल झाला आहे आणि जनतेला माहित आहे नक्की काय करायचं. आहे ते अशा शब्दात त्यांनी अजित पवारांच्या विजयाचा विश्वास व्यक्त केला.
Sunetra Pawar: बारामतीची जनता खूप हुशार आहे, सुनेत्रा पवारांचे विरोधकांना चिमटे, दादांच्या विजयाचा विश्वासही व्यक्त
लाडकी बहीण योजनेचाही मोठा फायदा
गेले २० दिवस मी प्रचार करते आहे. लोकांचा उदंड प्रतिसाद मिळतो आहे. लाडकी बहीण योजनेचाही मोठा फायदा या निवडणुकीत दिसून येईल. गेली ३५ वर्ष मी स्वतः उमेदवार नसताना किंवा कोणताही उमेदवार असला तरी प्रचार करत होते. त्यामुळे मला प्रचाराचा अनुभव आहे. असेही सुनेत्रा पवार यावेळी म्हणाल्या.