Yashomati Thakur Commented on Navneet Rana Remarks: अमरावतीतील कट्ट्रर प्रतिस्पर्धी असणाऱ्या राणा आणि ठाकूरांमध्ये पुन्हा शा‍ब्दिक सामना रंगला आहे. माजी खासदार नवनीत राणांनी डागलेल्या आरोपास्त्रावर राणांच्या नणंदबाईंनी जोरदार प्रत्युत्तर दिले आहे.
काल तिवसा मतदारसंघात महायुतीच्या उमेदवारांची सभा पार पडल्यानंतर आज मविआच्या उमेदवार असलेल्या यशोमती ठाकूरांची प्रचार सभा पार पडली. या सभेला शिवसेना ठाकरे गटाचे प्रमुख उद्धव ठाकरे हे देखील उपस्थित होते. महाविकास आघाडीच्या व्यासपीठावरुन यशोमती ठाकूरांनी नवनीत राणा जोरदार प्रत्युत्तर दिले आहे.
यशोमती ठाकूर म्हणाल्या, ‘भाजपने संविधान तोडलं, दोन पक्ष फोडले, सुप्रीम कोर्ट म्हणते आम्ही निकाल देणार अरे कधी देणार तुम्ही निकाल? आम्ही एक एक रुपया जमा करून बळवंत वानखडे यांची लोकसभेची निवडणूक लढवली. पण आमची वहिनी वायफळ बोलते. तिने कधी संस्कार पाहिले नाही, म्हणून ती अशी बोलते.’ यासोबतच ‘हे बाप चोरणारे लोकं आहेत. सोनं चांदी पण चोरतात, अशी टीका देखील ठाकूरांनी केली.
दरम्यान यशोमती ठाकूरांनी काँग्रेसने दिलेली आश्वासनं पुन्हा अधोरेखित केली आहेत. ‘आम्ही प्रत्येक महिलेला तीन हजार देणार आहोत आणि शेतकऱ्यांना चार हजार रुपये मिळणार आहेत.’ यासोबतच राणांनी बळवंत वानखेडेंवर केलेल्या टीकेचाही ठाकूरांनी मोजक्या शब्दांत समाचार घेतला आहे, तुम्ही माझ्या भावाला बोलताय हे लक्षात ठेवा, असे यशोमती ठाकूर म्हणाल्या.