Maharashtra Election 2024: मनसेचे सरचिटणीस मनोज चव्हाण यानी थेट उद्धव ठाकरे गटाचे राज्यसभेतील खासदार संजय राऊत यांना राज ठाकरे यांच्या विक्रोळीत होणाऱ्या सभेचे आमंत्रण दिले आहे.
मनसेच सरचिटणीस मनोज चव्हाण यांनी याबाबत माहिती देताना सांगितले की, राजकीय व्यक्तीचे विचार कसे असले पाहिजेत. हे ऐकण्याकरता संजय राऊत तुम्ही या, कारण तुम्ही तुमची पातळी सोडून आता प्रवक्तेगिरी करत आहात. आणि त्या पातळीवर पुन्हा येण्याकरीता तुम्हाला राज ठाकरे यांच्या सभा ऐकणे गरजेचे आहे.
विचारांची देवाण घेवाण किंवा राजकीय विचार कसे असावेत हे शिकण्याकरीता तरी किमान आजच्या सभेला तुम्ही यावे अशी माझी अपेक्षा आहे, असे सांगत चव्हाण यांनी संजय राऊतांना राज ठाकरेंच्या विक्रोळी येथील सभेसाठी जाहीर निमंत्रण देतो असे सांगितले. या सभेत तुमच्यासाठी एक खुर्ची निश्चित आम्ही ठेवली आहे असे ही चव्हाण म्हणाले.
विधानसभा निवडणुकीत मुख्य लढत महाविकास आघाडी विरुद्ध महायुती अशी होत असली तरी काही मतदारसंघात मनसे फॅक्टर महत्त्वाचा ठरणार आहे. मनसेकडून यावेळी राज ठाकरे यांचे पुत्र अमित ठाकरे देखील मैदानात आहेत.