‘देवेंद्र फडणवीसांना अडीच तीन वर्षांपासून खोटं बोलायचा रोग लागलाय’; त्या विधानावरून संजय राऊत संतापले

आमच्या पक्षातील गौप्यस्फोट फडणवीस कसे काय करू शकतात. जर आम्ही त्यांच्या पक्षातील गौप्यस्फोट केले तर त्यांना पक्ष बंद करावा लागेल. शरद पवारांनी काय ठरवलं होतं आणि काय नाही हे माझ्या इतकं कोणाला माहित नाही. उद्धव ठाकरेंच्या वतीने मी चर्चेत होतो. देवेंद्र फडणवीस यांना काहीच माहित नाही, त्यांनी नाक खुपसू नये. आमचं सरकार बनत आहे हेही त्यांना माहित नाही. उद्धव ठाकरे मुख्यमंत्री होतायेत हे समजल्यावर धक्काच बसला त्यांना पडता पडता वाचले, कोसलळे असते. शिवसेना काय करणार, आपल्याच पायाशी येणार अशी त्यांची भूमिका होती पण तसं झालं नाही. राजकारण शिवसेनेसलाही येतं. मुख्यमंत्रिपद नाकारून तुम्ही आमचा अपमान केलात. आमच्यामध्ये गद्दार निर्माण करून सरकार पाडलं ठिक आहे पण शरद पवार आणि काँग्रेसने हे सरकार पाच वर्षे टिकवायचं अशी कमिटमेंट होती. देवेंद्र फडणवीस यांना अडीच तीन वर्षांपासून खोटं बोलायचा रोग लागला आहे, त्यांमुळे महाराष्ट्राचं नुकसान झाल्याचं संजय राऊत यांनी म्हटलं आहे.

कोणी बोलायचं शरद पवारांवर, शरद पवार काय आहेत हे तुमचे सध्याचे नेते असलेल्या पंतप्रधान मोदी आणि अमित शहांना विचारा कोण आहेत? गावचे तालुक्याचे कोणते नेते आहेत. ज्या पक्षाचा एक आमदार नाही तो पवार साहेबांबद्दल बोलतोय. जो माणूस ५०-६० वर्ष महाराष्ट्राचे आणि देशाचे नेतृत्त्व करतोय, तुमच्याच मोदींनी पद्मविभूषण किताब दिला. ज्यांना आम्ही राजकारणातले भीष्मपिताह मानतो त्यांना राजकारणातील शून्य कतृत्त्व असलेले लोक असं बोलत असतील हे महाराष्ट्रासाठी चांगलं नाहीत, असं म्हणत संजय राऊत यांनी निशाणा साधला आहे.