आदित्य ठाकरेंची टीका जिव्हारी, थेट दिशा सालियान प्रकरणावरून धमकी; रामदास कदम संतापले

कोकणात रत्नागिरी जिल्ह्यातील दापोली येथे आदित्य ठाकरे यांची सभा पार पडली. दादागिरी करणाऱ्याला बर्फाच्या लादीवर झोपण्याची जबाबदारी माझी असा इशारा आदित्य ठाकरेंनी दिला होता. आदित्य ठाकरेंनी केलेल्या टीकेला शिवसेनेचे नेते रामदास कदम यांनी जोरदार प्रत्युत्तर दिले आहे. दिशा सालियानचे प्रकरण मी पुन्हा बाहेर काढणार, असा इशारा रामदास कदम यांनी दिला आहे. आपण कुणाबद्दल बोलतोय याचं भान ठेवा अशा शब्दात रामदास कदम यांनी सुनावलं. उद्धव ठाकरेंचं खोक्यांशिवाय काही चालत नाही असा घणाघातही कदम यांनी यावेळी केला.