Harshada Wanjale Speech : खडकवासला मतदारसंघात मयुरेश वांजळे यांच्यासाठी आयोजित प्रचारसभेत राज ठाकरे यांच्या भाषणापूर्वी हर्षदा वांजळे यांनी आपल्या मुलासाठी म्हणजे मयुरेश वांजळे यांच्यसाठी भाषण करत मतदारांना आवाहन केलं.
विधानसभा निवडणुकीच्या पार्श्वभूमीवर सर्वच राजकीय पक्षांकडून प्रचारसभांवर जोर दिला जातोय.आपल्या मुलाचं राजकीय आयुष्य यशस्वीपणे सुरु व्हावं आणि येत्या विधानसभा निवडणुकीत भरघोस मतांनी विजयी होऊन निवडून यावं म्हणून, रमेश वांजळेंच्या पत्नी हर्षदा वांजळे यांनी खडकवासला मतदारसंघात राज ठाकरेंच्या सभेत भाषण करुन मतदारांना आवाहन केलं.ज्याप्रमाणे आपण रमेश साहेबांच्या पाठीशी खंबीरपणे उभे होता,त्याप्रमाणे मयुरेशलाही पाठींबा द्या असे त्या उपस्थितांना संबोधून म्हणाल्या.दरम्यान,रमेश साहेबांची उणीव आजही जाणवते हे सांगताना त्या भावनिक झाल्या.