Beed Firing: संदीप तांदळे आणि अभय पंडित असं जखमी झालेल्या तरुणांचे नाव आहे. हा गोळीबार नेमका कोणत्या कारणाने झाला याची माहिती अद्याप समोर आलेली नाही.
हायलाइट्स:
- ऐन निवडणुकीच्या काळात बीडमध्ये मध्यरात्री गोळीबार
- बीडमध्ये मध्यरात्री नेमकं काय घडलं?
- धक्कादायक घटनेत दोन युवक जखमी
दरम्यान, दुसरीकडे बीडच्या परळी तालुक्यातील शिरसाळा येथे धनंजय मुंडे आणि पंकजा मुंडे यांची संयुक्त सभा आयोजित करण्यात आली होती. मात्र पंकजा मुंडेंच्या हेलिकॉप्टरमध्ये बिघाड झाल्याने त्यांना या सभेला येता आलं नाही. त्यामुळे पंकजा मुंडे यांनी मोबाईलहून उपस्थितांना वर्चुअल मार्गदर्शन केले. पंकजा मुंडे शुक्रवारी नाशिकच्या दौऱ्यावर होत्या. या दरम्यान नाशिक मधील सभा आटोपून त्यांना धनंजय मुंडे यांच्या प्रचारासाठी शिरसाळा येथे पोहोचायचे होते. मात्र त्यांच्या हेलिकॉप्टरमध्ये बिघाड झाल्याने त्यांना पोहोचता आलं नाही.
लोकसभा निवडणुकीत बहिणीच्या विजयासाठी धनंजय मुंडे यांनी जिल्हा पिंजून काढला होता. आता संपूर्ण महायुतीच्या उमेदवारांच्या प्रचाराची धुरा पंकजा मुंडे सांभाळत आहेत. दरम्यान सध्या पंकजा मुंडेंचा या वर्चुअर मार्गदर्शनाचा व्हिडीओ हा सोशल मीडियावर व्हायरल करण्यात आला आहे. पंकजा मुंडे यांनी त्यांच्या सभेसाठी जमलेल्यांना फोनवरुन मार्गदर्शन केलं.