नाशिक : एकलहरे रस्त्यावर सिद्धार्थ नगर येथे घराबाहेर उभ्या असलेल्या कुटुंबीयांवर भरधाव कार गेल्याने झालेल्या अपघातात एका महिलेचा जागीच मृत्यू झाला. मध्यरात्री साडेबारा वाजेच्या सुमारास ही घटना घडली. चंदाबाई साहेबराव कापसे (वय ४०) असं मयत महिलेचं नाव आहे.दरम्यान, धडक देणाऱ्या कार चालकाला पोलिसांनी ताब्यात घेतले आहे. संशयित कार चालकाच्या घरी काहीजण कोयते घेऊन गेल्याचे समजल्याने चालक भरधाव वेगाने घराकडे जात असताना हा अपघात घडला. संशयिताच्या कौटुंविक वादातून काहीजण त्याच्या घरी शस्त्र घेऊन गेले होते. त्याबाबतही पोलिस तपास करीत आहेत.