महाराष्ट्रातील २८८ जागांसाठी आज (२० नोव्हें.) मतदान पार पडले. सामान्य नागरिकांसह अनेक बॉलीवूड कलाकारांनी देखील मतदानाचा हक्क बजावला. बॉलीवूडचा भाईजान सलमान खानने देखील मतदानाचे कर्तव्य पार पाडले. मुंबईतील वांद्रे पश्चिम येथील मतदान केंद्रावर सलमान खानने मतदान केले. काळी टोपी, काळा चष्मा आणि राखाडी रंगाचा टी-शर्ट घालून सलमानने मतदान केले. यावेळी त्याच्या सुरक्षेसाठी मोठा पोलीस बंदोबस्त पाहायला मिळाला.