संपूर्ण राज्यात विधानसभेची निवडणूक पार पडली. या दरम्यान योगायोगाने प्रसिद्ध लोणार सरोवाला भेट देण्याकरता स्पेनच्या बार्सीलोना येथील पर्यटक आले होते. विदेशी पर्यटकांना भारतातील महाराष्ट्रात होत असलेल्या विधानसभेच्या निवडणूकचा अनुभव घेण्याचा योग आला.विदेशी पर्यटकांनी लोणार शहरातील अनेक मतदान केंद्रावर जाऊन भेटी देत माहिती जाणून घेतली. भारतीय नागरिक हे सुसंस्कृत आहेत म्हणून इथली लोकशाही टिकून आहे असे विदेशी पर्यटक म्हणाले.