२० वर्षांनी हार, नवख्या उमेदवाराचा विजय; येणारे दिवस आपलेच म्हणत बच्चू कडू यांनी पराभव स्वीकारला

प्रहार जनशक्ती पक्षाचे नेते बच्चू कडू यांचा नवख्या उमेदवाराने पराभव केला. अचलपूर येथून मागील २० वर्षांपासून बच्चू कडू अपक्ष म्हणून निवडून येत होते. तब्बल १२ हजारांपेक्षा अधिक मतांनी बच्चू कडू यांचा पराभव झाला. या पराभवानंतर बच्चू कडू यांनी प्रथमच माध्यमांसमोर येऊन प्रतिक्रिया दिली. व्यूहरचना करून आपल्याला पाडण्यात आलं असं त्यांनी म्हटलं. कार्यकर्त्यांना धीर देत शांत राहत आपण भविष्यातही सोबत काम करत राहू असंही ते म्हणाले. दरम्यान येत्या मंगळवारी ईव्हीएम मध्ये झालेल्या घोटाळ्या विरोधात विशाल मोर्चा काढणार असल्याची सुद्धा सांगितली.