Sunil Shelke Meeting With PM Narendra Modi : अजितदादा पवार यांनी पंतप्रधान नरेंद्र मोदी यांच्या भेटी दरम्यान मावळचे आमदार सुनील शेळके यांची मोदींशी वेगळी ओळख करून दिल्याचा किस्सा सांगितला. शेळके यांनी मोदींशी झालेल्या भेटीचा फोटो प्रचारात वापरला होता, ज्याला अजितदादांनी विरोध केला होता. अजितदादांनी शेळके यांचे कौतुक करत त्यांनी मावळमध्ये एकट्याने निवडणूक लढवून मिळवलेल्या यशाचे श्रेय त्यांच्या मेहनतीला दिले.
महायुतीच्या प्रत्येक विजयी उमेदवाराच्या भेटी प्रत्येक पक्ष कार्यालयात मुंबईत घेतल्या जातं आहे. त्यात सुनिल शेळके यांची भेट झाल्यानंतर अजितदादांनी तो भेटीचा किस्सा आठवणीने सांगितला.
मोदी साहेब ज्यावेळी पुण्यातील सभेला आले होते त्यावेळी सर्व उमेदवाराच्या भेटी घेत होते. त्यावेळी अजितदादांचे एक आमदार बाहेर राहिला होता. त्यावेळी अजितदादांनी सांगितले की, मी मोदी साहेबांना सांगितले की माझा एक आमदार बाहेर आहे. त्यावर मोदी साहेबांनी शेवटच्या सिक्युरिटीला सांगितले की, अजितदादा पवार म्हणतात त्यांना आत घ्या. त्यानंतर याला आत घेतलं. मग आत घेऊन त्याची सेपरेट ओळख करून दिली. तोच फोटो त्याने सगळीकडे चालवला. पण माझ्याकडून टोटली विरोध होता. सुनील आम्हाला म्हणायचा माझं सीट गेलं आणि वोटिंगच्या दिवशी म्हटला, मी एक लाखाने निवडून येईल. अरे म्हटलं काय रे तू, असे म्हणतं अजितदादानी कपाळाला हात मारून घेतला.
या भेटीमुळे सुनील शेळके यांची विशेष चर्चा झाली होती. यंदाच्या निवडणुकीत मावळ विधानसभा हा चर्चेचा विषय राहिला. कारण संपूर्ण निवडणुकीत अपक्ष उमेदवारला सर्वानी पाठींबा दिला होता. त्यामुळे सुनील शेळके यांनी मावळची खिंड एकट्याने लढवली. एकही मोठ्या नेत्याची सभा देखील या मतदार संघात झाली नव्हती. त्यामुळे सुनील शेळके यांना जे यश मिळाले आहे. त्यात त्यांनी घेतलेली मेहनतच असल्याचे सिद्ध झाले. यानिमित्त अजितदादांनी सुनील शेळके यांच्यावर कौतुकाची थाप दिली.