What is special about the number 2025 : एखाद्या व्यक्तीचा जन्म ज्या तारखेला झाला आहे. त्याची बेरीज काढून मुलांक ठरवला जातो. हे मूलांक कोणत्याही ग्रहाशी संबंधित असल्याने आपल्या जीवनावर वेगळ्याप्रकारे प्रभाव टाकतात. तसेच दरवर्षी प्रमाणे त्याचा विशेषांक असतो. येणाऱ्या नवीन वर्षाबद्दल सांगायचे झाले तर २०२५ चा मूलांक आकडा ९ आहे. मूलांक ९ हा मंगळाचा शासक ग्रह मानण्यात आला आहे. जाणून घेऊया येणारे नवीन वर्ष कोणत्या मूलांकासाठी लकी ठरणार आहे.
अंकशास्त्रानुसार कुंडलीतील ग्रह जितके महत्त्वाचे असतात. त्यानुसार आपल्या जीवनात अंकांना खूप महत्त्व आहे. शास्त्रानुसार अंक आपल्या जीवनावर अनेक चांगले वाईट परिणाम करतात. कधी त्याचा शुभ परिणाम होतो तर कधी त्याच्या प्रभावामुळे जीवनात संघर्ष करावा लागतो. प्रत्येक व्यक्तीचा लकी अंक हा त्याच्या जन्मतारखेवरुन ठरवला जातो.
एखाद्या व्यक्तीचा जन्म ज्या तारखेला झाला आहे. त्याची बेरीज काढून मुलांक ठरवला जातो. हे मूलांक कोणत्याही ग्रहाशी संबंधित असल्याने आपल्या जीवनावर वेगळ्याप्रकारे प्रभाव टाकतात. तसेच दरवर्षी प्रमाणे त्याचा विशेषांक असतो. येणाऱ्या नवीन वर्षाबद्दल सांगायचे झाले तर २०२५ चा मूलांक आकडा ९ आहे. मूलांक ९ हा मंगळाचा शासक ग्रह मानण्यात आला आहे. जाणून घेऊया येणारे नवीन वर्ष कोणत्या मूलांकासाठी लकी ठरणार आहे.
मूलांक ४ – संयमाने काम करा, नोकरी व्यवसायात प्रगती
अंकशास्त्रानुसार ४, १३, २२ किंवा ३१ या तारखेला जन्मलेल्या लोकांची मूळ संख्या ही ४ असते. याचा संबंध राहु ग्रहाशी येतो. हा ग्रह गोंधळ आणि दिशाहिन ग्रह आहे. त्यामुळे या लोकांच्या जीवनात चढ-उतार पाहायला मिळेल. पण नवीन वर्षात तुमची प्रगती वेगाने होईल. व्यवसाय सुरु करण्यासाठी तुम्हाला अनेक नवीन संधी मिळतील. तुम्हाला तुमची स्वप्न साकारण्यास मदत होईल. संयमाने काम केल्यास नोकरी आणि व्यवसायात प्रगती मिळेल.
मूलांक ५ – नोकरीच्या नवीन संधी
जर तुमची जन्मतारीख कोणत्याही महिन्याच्या ५, १४ किंवा २३ तारखेला येत असेल तर अंकशास्त्रानुसार तुमचा मूलांक ५ आहे. मूलांक ५ हा बुध ग्रहाचा अंक मानला जातो. बुध हा बुद्धिमत्ता आणि विवेक यासाठी जबाबदार आहे. येत्या नवीन वर्षात तुमच्या करिअरमध्ये अनेक चांगले बदल घडतील. नोकरदार लोकांसाठी करिअरच्या चांगल्या संधी मिळतील. नवीन नोकरीच्या संधी मिळू शकतात. तसेच स्थलांतरासोबतच हे वर्ष इतर गोष्टींसाठी देखील लकी ठरणार आहे. फिरतीचे काम करणाऱ्यांना फायदा होईल.
मूलांक ६ – ओळखीमुळे फायदा होईल
जर तुमची जन्मतारीख ६, १५ किंवा २४ असेल तर तुमचा मूलांक ६ आहे. शुक्र हा मूलांक ६ चा शासक ग्रह मानला जातो. शुक्राची आकर्षण शक्ती आहे. नवीन वर्षात तुम्हाला ओळखीमुळे जास्त फायदा होईल. तुमचे व्यक्तीमत्त्व इतरांना सहज आकर्षित करेल. समाजात तुम्ही तुमची वेगळी ओळख निर्माण कराल. नवीन संबंधांमुळे चांगल्या संधी देखील मिळतील. तुमची नाराजी तुमच्या नातेसंबंधांवर परिणाम करेल. तुमच्या स्वभावाकडे अधिक लक्ष द्यावे लागेल.
मूलांक ८ – कठोर परिश्रम केल्यावर यश मिळेल
तुमचा जन्म कोणत्याही महिन्याच्या ८, १७ किंवा २६ तारखेला झाला असेल तर मूलांक क्रमांक ८ आहे. ८ क्रमांक हा शनिचा शासक ग्रह मानला जातो. शनीच्या प्रभावामुळे येणाऱ्या नवीन वर्षात तुम्ही रखडलेले काम पूर्ण कराल. पैसे कमवाण्यासाठी तुम्हाला अधिक मेहनत घ्यावी लागेल. कठोर परिश्रम केल्यावरच यश मिळेल. तुम्ही हळूहळू प्रगती केल्यानंतरच यश पदरी पडेल. संयम ठेवणे अत्यंत महत्त्वाचे असणार आहे.
मूलांक ९ – रखडलेली कामे मार्गी लागतील
९, १८ किंवा २७ तारखेला जन्मलेल्या लोकांचा मूलांक ९ आहे. मूलांक ९ हा मंगळाचा शासक ग्रह आहे. मंगळ ऊर्जा आणि धैर्याचे प्रतीक आहे. २०२५ हे वर्ष मूलांक क्रमांक ९ चे आहे. त्यामुळे हे वर्ष उत्तम राहिल. मालमत्तेच्या बाबतीत या वर्षात लाभ होतील. भावंड आणि शेजाऱ्यांशी संबंध चांगले होतील. रखडलेली कामे यावर्षी मार्गी लागतील. नोकरी-व्यवसायात लाभ मिळतील.