December Month Tarot Card Bhavishya : डिसेंबर महिन्यात मंगळ आणि शुक्राच्या संक्रमणामुळे समसप्तक योग तयार होणार आहे. या महिन्यात शुक्र मकर राशीत तर मंगळ त्याच्या उच्च राशीत अर्थात कर्क राशीत संक्रमण करणार असल्यामुळे समसप्तक योग तयार होईल. मेष ते मीन राशीच्या सर्व राशींसाठी डिसेंबर महिना कसा असेल जाणून घेऊया टॅरोकार्ड राशीभविष्यातून
डिसेंबर महिन्यात मंगळ आणि शुक्राच्या संक्रमणामुळे समसप्तक योग तयार होणार आहे. या महिन्यात शुक्र मकर राशीत तर मंगळ त्याच्या उच्च राशीत अर्थात कर्क राशीत संक्रमण करणार असल्यामुळे समसप्तक योग तयार होईल. मंगळाची दृष्टी अनेक राशींसाठी लाभदायक ठरेल. टॅरो कार्डनुसार मेष, वृषभ, कर्क, तुळ आणि मीन राशीच्या लोकांसाठी डिसेंबरचा महिना अधिक चांगला राहिल.
या महिन्यात करिअर आणि व्यवसायातून प्रगतीचे लाभ होतील. मेष ते मीन राशीच्या सर्व राशींसाठी डिसेंबर महिना कसा असेल जाणून घेऊया टॅरोकार्ड राशीभविष्यातून
मेष – घाई करु नका
टॅरो कार्डनुसार मेष राशीसाठी डिसेंबरचा महिना आरोग्याच्या दृष्टीने खूप चांगला जाणार आहे. या महिन्यात मानसिकदृष्ट्या तुम्ही आनंदी असाल. आर्थिक स्थिती तुमची सामान्य असेल. तुमचे काही विशेष नुकसान होणार नाही. मुलांकडून अपेक्षित सहकार्य आणि समाधानकारक परिणाम मिळतील. कोणत्याही निर्णयाची घाई करु नका.
उपाय – घरातून बाहेर पडताना केसर आणि हळदीचा टिळा कपाळावर लावा
वृषभ – पैशांचे व्यवहार विचारपूर्वक करा.
टॅरो कार्डनुसार वृषभ राशीसाठी हा महिना आर्थिकदृष्ट्या मजबूत असाल. तुम्हाला आर्थिक लाभाच्या संधी मिळतील. हा काळ सामाजिक आणि व्यावहारिक दृष्टिकोनातून अनुकूल असेल. या महिन्यात तुमचा आत्मविश्वास वाढेल. जोखमीचे काम टाळा. पैशांचे व्यवहार विचारपूर्वक करा. मित्रांसोबत संबंध खराब होतील.
उपाय : या महिन्यात काळ्या कुत्र्याला चपाती खाऊ घाला.
मिथुन – सावध राहा
डिसेंबरचा महिना टॅरो कार्डनुसार मिथुन राशीसाठी धार्मिक आणि सामाजिक कार्यात सहभागी होण्याची सुवर्ण संधी मिळेल. हा महिना सर्वच बाबतीत शुभ राहिल. तुम्हाला यश मिळवण्यासाठी थोडे कष्ट करावे लागेल. भावंडांसोबत मतभेद होतील. अनोळखी व्यक्तीसोबत सावध राहा. परस्पर संबंध सुधारण्यासाठी भावनिक निर्णय घेणे टाळा, यामुळे वाद वाढू शकतात. आर्थिक गुंतवणूकीपासून दूर राहा.
उपाय – प्राण्यांना खाऊ घाला.
कर्क – संपत्तीतून लाभ
टॅरो कार्डनुसार हा महिना आरोग्याच्या दृष्टीने कर्क राशीसाठी चांगला असेल. या महिन्यात आरोग्याच्या सर्व समस्यांपासून आराम मिळेल. वडिलोपार्जित संपत्तीतून लाभ होईल. कुटुंबात सुख-समृद्धी राहिल. नोकरीशी संबंधित बाबींमध्ये अनुकूल परिणाम मिलतील. नोकरदार लोकांना कामाच्या ठिकाणी सर्वांचे सहकार्य मिळेल.
उपाय : शुभ फल मिळण्यासाठी शनिवारी अन्नदान करा.
सिंह – आरोग्याची काळजी घ्या
टॅरो कार्डनुसार सिंह राशीच्या लोकांसाठी डिसेंबर महिना मध्यम राहिल. महत्त्वाची कामे उत्साहाने पूर्ण करण्याचा प्रयत्न कराल. अपेक्षित यश मिळणार नाही. आर्थिक स्थिती सामान्य राहिल. आरोग्याच्या दृष्टीने हा महिना फारसा चांगला नसेल. तब्येतीची काळजी घ्यावी लागेल. मुलांकडून स्नेह आणि आदर मिळेल. वैवाहिक जीवनात वाद होण्याची शक्यता आहे. पार्टनरशीपमध्ये नवीन काम सुरु करण्याची घाई करु नका.
उपाय : शुभकार्यासाठी दर शुक्रवारी देवी लक्ष्मीला अत्तर अर्पण करावे.
कन्या – वैवाहिक जीवनात आनंद
कन्या राशीसाठी हा महिना खूप फायदेशीर असणार आहे. या महिन्यात सर्व कामात तुमचा उत्साह वाढलेला असेल. कौटुंबिक जीवन आनंदाने भरलेले राहिल. कौटुंबिक आणि मित्र संबंध सौहार्दपूर्ण राहतील. वैवाहिक जीवनात आनंद राहिल. पती-पत्नीमधील संबंध सुधारतील. कुटुंबात काही शुभ कार्य घडतील. धर्म आणि अध्यात्माकडे कल वाढेल. विद्यार्थ्यांचा आत्मविश्वास वाढेल.
उपाय : अपंगांना अन्नदान करणे शुभ राहील.
तुळ – चांगले फळ मिळेल
टॅरो कार्डनुसार तुळ राशीच्या लोकांसाठी डिसेंबर महिना शुभ आणि सकारात्मक असणार आहे. या महिन्यात तुमचे आरोग्य चांगले राहिल. आजारापासून सुटका होईल. कुटुंबातील वातावरण सकारात्मक असेल. वैवाहिक जीवन सामान्य राहिल. मुलांशी समन्वय चांगला राहिल. मुलांशी संबंधित कोणतेही महत्त्वाचे काम यशस्वीपणे पूर्ण होईल. काही महत्त्वाचे पद किंवा मानसन्मान मिळण्याची शक्यता आहे. मेहनतीनुसार चांगले फळ मिळेल.
उपाय : शुभ परिणामांसाठी विष्णु सहस्रनामाचा जप करा.
वृश्चिक – प्रेमसंबंधात बदल होतील
हा महिना वृश्चिक राशीच्या लोकांसाठी संमिश्र असणार आहे. या महिन्यात थोडा मानसिक थकवा जाणवेल. आर्थिक अडचणी उभ्या राहातील. तुमची आर्थिक बाजू पूर्वीपेक्षा अधिक मजबूत होईल. वैवाहिक जीवनात सामंजस्याचा अभाव तणाव निर्माण करेल. प्रेमसंबंधात बदल होतील. नोकरदारांसाठी हा महिना अनुकूल राहिल. पार्टनरशीपमध्ये काम करणाऱ्यांसाठी हा महिना चिंतेचा असेल.
उपाय : शुभकार्यासाठी सूर्याला नियमित अर्घ्य द्यावे.
धनु – कामात यश
टॅरो कार्डनुसार धनु राशीच्या लोकांना या महिन्यात विशेष लाभ मिळतील. हा काळ शुभ कार्य आणि आनंदाने परिपूर्ण असेल. व्यापारी वर्गाला सन्मान आणि प्रवासात लाभ होतील. नोकरदार लोकांना त्यांच्या कामात यश मिळेल. ज्यामुळे तुमचा उत्साह राहिल. वैवाहिक जीवनात आनंद सामान्य असेल. अनावश्यक वाद टाळा. शारीरिक सुख, नातेवाईकांचे सहकार्य आणि कामातील यशामुळे हा महिना फायदेशीर ठरेल.
उपाय : शुभ फल मिळविण्यासाठी आदित्य हृदय स्तोत्राचा पाठ करा.
मकर – अनावश्यक वाद टाळा
टॅरोकार्डनुसार डिसेंबरचा महिना मकर राशीसाठी आनंददायी आणि सकारात्मक असेल. स्वभावात चिडचिड आणि राग वाढू शकतो. बोलण्यावर आणि वागण्यावर नियंत्रण ठेवा. अनावश्यक त्रास टाळा. आर्थिक दृष्टिकोनातून वेळ सामान्य राहिल. जोखमीची गुंतवणूक टाळा, नुकसान सहन करावे लागेल. मुलांसाठी हा काळ शुभ आमि सकारात्मक राहिल. नोकरदार लोकांना शुभ परिणाम मिळतील.
उपाय : आर्थिक प्रगतीसाठी गरीबांची मदत करा, लाभ होईल.
कुंभ – जोडीदाराचा सल्ला घ्या
टॅरोकार्डनुसार कुंभ राशीच्या लोकांना या महिन्यात महत्त्वाचे निर्णय किंवा काम करताना जोडीदाराचा सल्ला घेणे आवश्यक ठरेल. तुमचा आत्मविश्वास उच्च पातळीवर राहिल, ज्यामुळे कामाच्या ठिकाणी यश आणि सन्मान मिळेल. कुटुंबात सुख-समृद्धीचे वातावरण राहिल. विद्यार्थ्यांना अभ्यासावर लक्ष केंद्रित करावे लागेल. तुमच्या प्रयत्नांचे परिणाम सकारात्मक असतील. नोकरदार लोकांना कामाच्या संदर्भात प्रवास करावा लागेल.
उपाय : या महिनाभर चंदनाच्या तेलाचा टिळा कपाळावर लावावा.
मीन- सकारात्मक राहाल.
टॅरोकार्डनुसार डिसेंबरचा महिना मीन राशीच्या लोकांसाठी अत्यंत अनुकूल असेल. मानसिकदृष्ट्या तुम्ही उत्साही राहाल. वैवाहिक जीवन आनंदी असेल. मनोरंजनासाठी फिरायला जाल. मुलांकडून चांगली बातमी मिळेल. विद्यार्थ्यांना त्यांच्या मेहनतीचे सकारात्मक फळ मिळेल. नोकरदार लोकांची प्रलंबित कामे पूर्ण होतील. अडकलेले पैसे परत मिळतील. धार्मिक कार्यक्रमात सहभागी व्हाल.
उपाय : शुभ कार्यासाठी दर शनिवारी मोहरीच्या तेलाचे दान करा.