Pushpa 2 the rule ticket price:अलीकडच्या वर्षांत ‘पॅन इंडिया सिनेमा’ हा ट्रेंड चांगलाच रुजला आहे. अशा सिनेमांसाठी आता स्पर्धा दिसून येतेय. साऊथच्या सिनेमांची देशभरात क्रेझ असल्याचं दिसून येतंय.
विशेष म्हणजे प्रदर्शित होण्यापूर्वीच पुष्पा २ सिनेमानं तब्बल १०८५ कोटींचं एकूण कलेक्शन केल्याचं म्हटलं जात आहे. सिनेमातल्या संगीतानं यापूर्वीच प्रेक्षकांची मनं जिंकून घेतली आहेत. प्रदर्शनापूर्वीचे कलेक्शनचे आकडे तो प्रदर्शित झाल्यानंतर रेकॉर्डब्रेक यश मिळवेल हेच चित्र दर्शवत आहेत.
गेल्या अनेक दिवसांपासून सोशल मीडियावर प्रेक्षक या सिनेमाबद्दल बोलताना दिसत आहेत.पहिल्या भागाला मिळालेल्या यशानंतर प्रेक्षकांमध्ये दुसरा भाग पाहण्याची उत्सुकता दिसून येतेय. सिनेमाचं प्री-बुकिंग सुरू झालं असून पहिल्या दिवशी सिनेमा तगडं कलेक्शन करेल, असं म्हटलं जात आहे. प्री-बुकिंगमध्ये सिनेमाच्या तिकिटांची मोठी विक्री होताना दिसतेय. पहिल्या काही दिवसांत सिनेमाचं तिकिट हे खूप महाग असणार आहे. पुष्पा २ सिनेमाच्या सगळ्यात महाग तिकीटांची विक्री दिल्लीत होताना दिसतेय.
‘Pushpa 2’ चा फर्स्ट डे ,फर्स्ट शो पाहायचा विचार करताय? एका तिकिटाची किंमत एक-दोन हजार नव्हे तर तब्बल…
दिल्ली एनसीआर भागात पुष्पा २ सिनेमाचं सगळ्या महाग तिकीट विकलं जात आहे. इथल्या थिएटरमध्ये एका तिकिटाची किंमत तब्बल २४०० रुपयांपर्यंत आहे. तर मुंबईत पुष्पा २ च्या तिकीटांचा दर हा १६००-१८०० पर्यंत गेल्याचं म्हटलं जात आहे. तर बेंगलोरमध्ये १००० असा तिकीटाचा दर आहे. तर तेलुगू भाषिक राज्यात पहिल्या चार दिवस सिनेमाच्या तिकीटांची किंमत ही जास्त असणार आहे.
देशभरात हा सिनेमा हा ५ डिसेंबर रोजी प्रदर्शित होत असताला तरी, तेलंगाना सरकारनं चाहत्यांना खास गिफ्ट दिलं आहे. तेलंगानामध्ये हा सिनेमा ४ डिसेंबर रोजी रात्री ९ वाजून ३० मिनिटांनी पाहता येणार आहे. पेड पीव्ह्यू तिकीटांची किंमत ८००च्या घरात असणार आहे.