अखेर गुलाबराव पाटील यांनी बोलून दाखवली मनातील खदखद, म्हणाले, एकनाथ शिंदे मुख्यमंत्री व्हावेत ही आमची इच्छा

नुकताच आता एकनाथ शिंदे गटाचे नेते गुलाबराव पाटील यांनी मोठे भाष्य केले. गुलाबराव पाटील म्हणाले की, बिनसलं काही नाहीये. मुख्यमंत्री दोन दिवसांपासून आजारी आहेत. लोकांना अपेक्षा होती की, राज्याचे मुख्यमंत्री एकनाथ शिंदे व्हावेत. पण एकनाथ शिंदे यांनी वरून जो निर्णय होईल तो मान्य असेल असे म्हटले. स्थानिक स्वराज्य संस्थांच्या निवडणुका होईपर्यंत एकनाथ शिंदे यांना मुख्यमंत्री ठेवायला हव अशी आमची इच्छा आहे.
NCP Ajit Pawar Party: महायुतीच्या मंत्रिमंडळात राष्ट्रवादीच्या संभाव्य मंत्र्यांची नावे समोर, सुनील शेळके आणि संग्राम जगताप यांची लागणार वर्णी?पुढे गुलाबराव पाटील म्हणाले, गृहमंत्रीपद तरी त्यांनी घ्यावं अशी आमची सर्व आमदारांची इच्छा आहे. एकप्रकारे गुलाबराव पाटील यांनी मनातील खदखद बोलून दाखवली आहे. यावेळी गुलाबराव पाटील हे संजय राऊत यांच्यावरही टीका करताना दिसले. संजय राऊत यांच्याबद्दल बोलताना ते म्हणाले की, हा खालच्या थराचा माणूस आहे. त्यांनी आधी शिवसेना संपवली मग राष्ट्रवादी आणि आता काँग्रेस. हा कोणाचाच नाही..

फक्त अॅक्टिंग करतो. हा एकही आमदार पाडू शकला नाही. उद्धव ठाकरे यांना चुकीच्या माहिती दिल्या. जसा चिकनगुनीया तसा हा संजयगुनीया, असल्याचेही म्हणताना गुलाबराव पाटील हे दिसले आहेत. संजय शिरसाट यांनीही संजय राऊत यांच्यावर जोरदार टीका केली होती. हेच नाही तर संजय राऊत हे एकनाथ शिंदे यांचे पाय धरत होते, असाही त्यांनी खुलासा केला. संजय राऊत सतत एकनाथ शिंदे यांच्यावर टीका करताना दिसत आहेत.