पंजाबच्या माजी उपमुख्यमंत्र्यांवर गोळीबार, सुवर्ण मंदिरात थरार, विद्यार्थी झोपेत, सहलीला गेलेल्या बसचा भीषण अपघात

१. शिरोमणी अकाली दलचे नेते सुखबीर सिंह बादल यांच्यावर जीवघेणा हल्ला झाला आहे. सुवर्ण मंदिरात धार्मिक शिक्षा भोगत असलेल्या सुखबीर सिंग बादल यांच्यावर गोळीबार करण्यात आला आहे. बुधवारी सकाळी त्यांच्यावर गोळीबार करण्यात आला. मात्र, यातून ते थोडक्यात बचावले गेले आहेत. दरबार साहिबसमोर हल्लेखोराने केलेल्या गोळीबारामुळे सुवर्ण मंदिर परिसरात खळबळ उडाली होती. मात्र, तेथे उपस्थित लोकांनी हल्लेखोराला तात्काळ पकडलं. सुखबीर सिंग बादल यांच्यावर हा जीवघेणा हल्ला झाला तेव्हा ते सुवर्ण मंदिराच्या बाहेर एक धार्मिक शिक्षेसाठी द्वारपाल म्हणून सेवा देत होते. बातमी वाचा सविस्तर…
२. राज्याच्या नव्या सरकारचा शपथविधी उद्या, गुरुवारी संध्याकाळी पाच वाजता मुंबईतील आझाद मैदानात होत असून, मंगळवारी प्रशासकीय स्तरावरही त्याच्या आयोजनाची लगबग सुरू होती. नव्या सरकारच्या शपथविधी संदर्भात मंत्रालयात मंगळवारी मुख्य सचिव सुजाता सौनिक यांच्या दालनामध्ये मंगळवारी उच्चस्तरीय बैठक झाली.या बैठकीला पोलिस महासंचालक रश्मी शुक्ला, राजशिष्टाचार विभागाच्या प्रधान सचिव मनीषा म्हैसकर आणि इतर अधिकारी उपस्थित होते. या बैठकीत शपथविधी संदर्भात पूर्वतयारीचा आढावा घेण्यात आला. अतिमहत्त्वाच्या व्यक्तींच्या सुरक्षा व्यवस्थेबाबतही या वेळी चर्चा करण्यात आली.

३. राज्यात नुकत्याच झालेल्या विधानसभा निवडणुकीत अपेक्षित यश न मिळाल्यानंतर आता आगामी मुंबई महानगरपालिका निवडणुकीसाठी शिवसेना (उद्धव बाळासाहेब ठाकरे) पक्षाचे प्रमुख उद्धव ठाकरे यांनी कंबर कसली आहे. हिंदुत्त्वाचा मुद्दा येत्या काळात मतदारांपर्यंत प्रखरपणे पोहचविण्याचे आदेश ठाकरे यांनी मंगळवारी पदाधिकाऱ्यांना दिले आहेत. हिंदुत्वासाठी शिवसेना आधीही लढत होती, यापुढेही लढत राहील, हे मतदारांपर्यंत पोहचविण्याचे आदेश ठाकरे यांनी मंगळवारी दिले. तर लवकरच ठाकरे हे राज्यव्यापी दौरा करणार असल्याचे यावेळी जाहीर करण्यात आले आहे.

४. निवडणुकीची धामधूम संपतास निकालानंतर अवघ्या दहा दिवसांनी जळगाव जिल्ह्यात एक मोठी घटना घडली या घटनेमध्ये एक जिल्ह्यातील तथा जळगाव शहरातील राजकीय व्यक्तीचा हात असल्याची चर्चा देखील सुरू आहे ती चर्चा म्हणजे एक इंग्रज काळातील टाकलेली पाईपलाईन चोरी प्रकरणातील आहे.

५. राज्यात सत्तास्थापनेच्या घडामोडींना वेग आला असून, आज, बुधवारी होणाऱ्या भाजप विधिमंडळ पक्षाच्या बैठकीच्या पार्श्वभूमीवर मुख्यमंत्रिपदाचे दावेदार देवेंद्र फडणवीस यांनी मंगळवारी काळजीवाहू मुख्यमंत्री एकनाथ शिंदे यांची ‘वर्षा’ निवासस्थानी भेट घेऊन सखोल चर्चा केली. भाजपच्या विधिमंडळ पक्षाच्या बैठकीनंतर महायुतीकडून राज्यपालांची भेट घेऊन सत्तास्थापनेसाठी दावा केला जाणार आहे. त्यामुळे भाजप विधिमंडळ नेतानिवडीकडे सर्वांचे लक्ष लागले आहे. बातमी वाचा सविस्तर…

६. भाजपचे वरिष्ठ नेते देवेंद्र फडणवीस यांची थेट सागर बंगल्यावर जाऊन भेट घेतल्याने चर्चेचा विषय ठरलेले राष्ट्रवादी काँग्रेस-शरदचंद्र पवार पक्षाचे भिवंडीचे खासदार सुरेश म्हात्रे ऊर्फ बाळ्यामामा यांनी या भेटीविषयी स्पष्टीकरण दिले आहे. फडणवीस यांची मी वैयक्तिक कारणांसाठी भेट घेतली असून त्यात कुठलाही राजकीय विषय नव्हता, असेही म्हात्रे यांनी स्पष्ट केले आहे

७. नागपूरसह पूर्व विदर्भातील काही ठिकाणी भूकंपाचे सौम्य धक्के जाणवले. आज बुधवारी सकाळी ७.३० ते ७.३५ या काळात हे धक्क जाणवल्याचे कळते. नागपुरात हनुमाननगर, पायोनिअर कॉलनी येथे भूकंपाचे धक्क जाणवले आहेत. बातमी वाचा सविस्तर…

८. भारत आणि ऑस्ट्रेलिया यांच्यात पाच सामन्यांची कसोटी मालिका खेळवली जात आहे. या मालिकेतील पहिला सामना टीम इंडियाने जिंकला आहे. मालिकेतील पहिल्या सामन्यातील विजयामुळे भारतीय संघ या मालिकेत १-० ने आघाडीवर आहे. या मालिकेतील खराब सुरुवातीनंतर ऑस्ट्रेलियन संघ चांगलाच त्रस्त दिसत आहे. स्टार गोलंदाज जोश हेजलवूड दुखापतीमुळे दुसरा कसोटी सामना खेळणार नाही.

९. ‘गदर 2’ सारखे हिट चित्रपट देणारे दिग्दर्शक अनिल शर्मा यांनी त्यांच्या वनवासचा ट्रेलर रिलीज केला आहे. ‘गदर’ अभिनेता उत्कर्ष शर्मा पुन्हा एकदा या चित्रपटात मुख्य भूमिकेत दिसणार आहे, ज्यामध्ये ज्येष्ठ अभिनेते नाना पाटेकर देखील दिसत आहेत. या चित्रपटाचा ट्रेलर लोकांना खूप आवडला असून त्यावर भरपूर कमेंट्सही केल्या जात आहेत.

१०. १ फेब्रुवारी, २०२५ रोजी सादर होणाऱ्या सर्वसाधारण अर्थसंकल्पाची तयारी सुरू झाली असून दरवर्षी सर्वसाधारण अर्थसंकल्प फेब्रुवारीच्या पहिल्याच तारखेचा सादर होतो पण, त्याची तयारी २ ते ३ महिने आधी सुरू होते. सीतारामन यांचा हा सलग आठवा अर्थसंकल्प असेल. या मालिकेत अर्थमंत्री निर्मला सीतारामन ६ डिसेंबरपासून विविध पक्षांसोबत अर्थसंकल्पपूर्व सल्लामसलत सुरू करणार असून या प्रक्रियेअंतर्गत अर्थमंत्री ६ डिसेंबर रोजी नामवंत अर्थतज्ज्ञांना भेटणार असल्याची माहिती सूत्रांनी दिली असून या बैठकांमध्ये सरकार विविध उद्योग संघटनांना भेटून अर्थसंकल्पाबाबत त्यांचे मत जाणून घेऊ इच्छिते.