मुंबई : महायुतीच्या नव्या सरकारच्या शपथविधी सोहळ्यासाठी आझाद मैदान सज्ज झाले असून उद्याच्या शपथविधी सोहळ्याची जवळपास सर्व तयारी पूर्ण झाली आहे. पंतप्रधान नरेंद्र मोदी यांच्या प्रमुख उपस्थितीत रंगणाऱ्या या शपथविधी सोहळ्याचे प्रमुख आकर्षण राज्यातील लाडक्या बहिणी असणार आहेत. याशिवाय, १०० फुटी मुख्य स्टेज आणि इतर दोन स्टेजही बांधण्यात येणार असून देशभरातील एकूण २२ राज्यांच्या मुख्यमंत्र्यांना या शपथविधी सोहळ्यासाठी आमंत्रित करण्यात आले आहे. दरम्यान, राज्यातील सर्व शासकीय एलईडीवर या सोहळ्याचे थेट प्रक्षेपण करण्यात येणार आहे. भारतीय जनता पक्षाचे नेते देवेंद्र फडणवीस हे गुरुवारी पुन्हा एकदा राज्याच्या मुख्यमंत्रीपदाची शपथ घेणार आहेत. महायुतीच्या या नव्या महाशपथविधी सोहळ्याची जय्यत तयारी सुरू आहे. या शपथविधी सोहळ्यासाठी पंतप्रधान नरेंद्र मोदी यांची प्रमुख उपस्थिती असणार असून त्यांच्याशिवाय केंद्रीय गृहमंत्री अमित शहा यांच्यासह २२ राज्यांचे मुख्यमंत्री उपस्थित राहणार आहे. साधारण २० हजारांहून अधिक मान्यवर या शपथविधी सोहळ्याला उपस्थित राहणार असल्याचा अंदाज आहे.
लाडक्या बहिणींना आस २१०० रुपयांची, काही अर्ज अद्याप प्रलंबित, कधी मिळणार वाढीव हप्ता?
आझाद मैदानातील या शपथविधी सोहळ्यासाठी भव्यदिव्य मंचाची उभारणी करण्यात आली आहे. यात तीन मंच उभारण्यात आले असून १०० फुटी लांबीचा भव्य प्रमुख मंच असणार आहे. त्याशिवाय दुसरा मंच ही १० फुटांचा आहे. तिसरा मंच हा संगीत संयोजनासाठी उभारण्यात आला आहे. प्रमुख मंचावर पंतप्रधान नरेंद्र मोदी, इतर राज्यांचे मुख्यमंत्री आणि इतर वरिष्ठ नेत्यांची बैठक व्यवस्था केली जाणार आहे. या सोहळ्यासाठी देशातील उद्योगपती, लाडक्या बहिणी, साधूसंत, कलाकार आदी उपस्थित राहणार आहेत. त्याशिवाय, कलाकर, साधूसंत, लाडक्या बहिणी, तिन्ही पक्षाचे नेते कार्यकर्ते अशा सुमारे ४० हजार जणांसाठी आसन व्यवस्था आहे.
तुम्हीही हाच एटीएम पिन ठेवलात का? सावधान, पाकीटमारांची नवी शक्कल, झटक्यात बॅंक खातं होईल रिकामं
दोन हजार व्हीव्हीआयपी प्रवेशिका
शपथविधी सोहळ्याला ४० हजारांची आसन क्षमता आहे. यात लाडक्या बहिणींसाठी राखीव आसन व्यवस्था आहे. तर दोन हजार व्हीव्हीआयपी पासचे वाटप करण्यात आले आहे.