महायुतीच्या विजयानंतर देवेंद्र फडणवीस आज मुख्यमंत्रीपदाची शपथ घेणार आहेत. अजित पवार उपमुख्यमंत्री होतील. एकनाथ शिंदे उपमुख्यमंत्री होतील का, हे अस्पष्ट आहे. शिंदे नाराज असल्याच्या चर्चा आहे. शिवसेनेतून शिंदे मुख्यमंत्री व्हावेत, अशी इच्छा व्यक्त होत आहे. आज शपथविधी सोहळा पार पडेल.
देवेंद्र फडणवीस हे मुख्यमंत्रिपदासाठी शपथ घेतील. अजित पवार हे उपमुख्यमंत्रिपदासाठी शपथ घेतील, हे स्पष्ट आहे. मात्र, एकनाथ शिंदे हे उपमुख्यमंत्रीिपदाची शपथ घेणार का? हे अजून स्पष्ट झाले नाहीये. एकनाथ शिंदे यांचा मुलगा श्रीकांत शिंदे यांचेही नाव उपमुख्यमंत्रिपदासाठी चर्चेत होते. मात्र, शिवसेनेकडून अजून काहीच सांगण्यात आले नाही की, नेमकी उपमुख्यमंत्रिपदाची शपथ कोण घेणार? शिंदे हे नाराज असल्याची चर्चा आहे.
शिवसेनेचे नेते गुलाबराव पाटील यांनी स्पष्ट म्हटले आहे की, आमची मनातून इच्छा आहे एकनाथ शिंदे हे मुख्यमंत्री व्हावेत. पुढील काही काळात स्थानिक स्वराज्य संस्थेच्या निवडणुका आहेत आणि एकनाथ शिंदे मुख्यमंत्री असतील तर महायुतीला अधिक फायदा होईल. आज एकनाथ शिंदे हे उपमुख्यमंत्रीपदाची शपथ घेतात का? हे पाहण्यासारखे ठरणार आहे. एकनाथ शिंदे यांनी अगोदरच स्पष्ट केले होते की, मी नाराज नाहीये.