Pushap 2 Box Office Collection : पुष्पा २चं १३ व्या दिवसाचं बॉक्स ऑफिस कलेक्शन जाणून घ्या.
‘पुष्पा २: द रुल’ हा चित्रपट देशभरात आणि जगभरात बॉक्स ऑफिसवर राज्य करत आहे. भारतात या सिनेमाचं वेड सर्वांनाच लागलं आहे आणि त्यामुळे हा सिनेमा बॉक्स ऑफिसवर बक्कळ कमाई करतोय. दुसऱ्या वीकेंडला या चित्रपटाने जोरदार कमाई केली होती, मात्र दुसऱ्या सोमवारी चित्रपटाच्या कमाईत घट दिसून आली.
अशातच, ‘पुष्पा 2: द रुल’च्या कमाईबद्दल बोलायचं झाल्यास, या चित्रपटाने देशांतर्गत बाजारात रिलीजच्या पहिल्या आठवड्यात ७२५ कोटी ८ लाख रुपयांचा व्यवसाय केला. यानंतर चित्रपटाने दुसऱ्या शुक्रवारी ३६ कोटी ४ लाख आणि दुसऱ्या शनिवारी ६३ कोटी ३ लाख रुपयांची कमाई केली. दुसऱ्या रविवारी ७६ कोटी ६ लाख रुपये आणि दुसऱ्या सोमवारी २६ कोटी ९५ लाख रुपयांची कमाई केली आहे.
पुष्पा राजची भाईगिरी बॉक्स ऑफिसवर घालतेय धुमाकूळ; ९५० कोटींचा टप्पा केला पार, मोडले अनेक सिनेमाचे रेकॉर्ड
Sacknilk च्या सुरुवातीच्या ट्रेंड रिपोर्टनुसार, ‘पुष्पा 2: द रुल’ ने रिलीजच्या १३व्या दिवशी म्हणजेच दुसऱ्या मंगळवारी सर्व भाषांसह देशांतर्गत बाजारात २४.२५ कोटी रुपयांची कमाई केली आहे. यांसह, ‘पुष्पा 2: द रुल’ची १३ दिवसांची एकूण कमाई आता ९५३.३ कोटींवर पोहोचली आहे. यामध्ये ‘पुष्पा 2: द रुल’ने १३ दिवसांत तेलुगूमध्ये २९०.९ कोटी रुपये, हिंदीमध्ये ५९१.१ कोटी रुपये, तामिळमध्ये ५०.६५ कोटी रुपये, कन्नडमध्ये ६.८७ कोटी रुपये आणि मल्याळममध्ये १३.७८ कोटी रुपये कमावले आहेत. ‘पुष्पा 2’ १३व्या दिवशी हिंदी भाषेत सर्वाधिक कमाई करणारा चित्रपट ठरला आहे.
सुकुमार दिग्दर्शित ‘पुष्पा 2: द रुल’ने आणखी एक यश संपादन केलं असून १३व्या दिवशी १८.५ कोटींची कमाई करून हा चित्रपट हिंदी भाषेतील सर्वाधिक कलेक्शन करणारा चित्रपट ठरला आहे. यासह या चित्रपटाने अनेक मोठे चित्रपट मागे टाकले आहेत.
अल्लू अर्जुन स्टारर पुष्पा 2 हा भारतातील दुसरा सर्वाधिक कमाई करणारा चित्रपट आहे. त्याने टॉप ३ मध्ये प्रवेश करण्यासाठी कल्की 2898 एडी, स्त्री 2, पठाण आणि गदर 2 यांसह अनेक चित्रपटांना मागे टाकलं आहे. आता सा सिनेमाची टक्कर बाहुबली २ सिनेमासोबत आहे. भारतीय चित्रपटसृष्टीत इतिहास रचण्यासाठी पुष्पा 2 ला आता जवळपास ७८ कोटी रुपयांची गरज आहे.