Surya Sankraman in Makar rashi : ज्योतिषशास्त्रानुसार सूर्याचे मकर राशीत संक्रमण झाले आहे. वर्षभरानंतर सूर्याने शनिच्या राशीत प्रवेश केला आहे. त्यानिमित्ताने मकरसंक्रांती हा सण साजरा केला जाईल. तसेच सूर्य आणि गुरु यांच्यामध्ये नवपंचम योग तयार होत आहे. सूर्याचे संक्रमण १२ राशींवर परिणाम करणार आहे. जाणून घेऊया सूर्याचा १२ राशींवर कसा प्रभाव असेल.
ज्योतिषशास्त्रानुसार सूर्याचे मकर राशीत संक्रमण झाले आहे. वर्षभरानंतर सूर्याने शनिच्या राशीत प्रवेश केला आहे. त्यानिमित्ताने मकरसंक्रांती हा सण साजरा केला जाईल. तसेच सूर्य आणि गुरु यांच्यामध्ये नवपंचम योग तयार होत आहे.
शनीच्या राशीतील सूर्याचा प्रवेश ज्योतिषशास्त्राच्यादृष्टीकोनातून अधिक महत्त्वाचा मानला जातो. सूर्याचे संक्रमण १२ राशींवर परिणाम करणार आहे. जाणून घेऊया सूर्याचा १२ राशींवर कसा प्रभाव असेल.
मेष राशीवर सूर्य संक्रमणाचा प्रभाव
मकर संक्रांतीला सूर्य दहाव्या भावात असणार आहे. त्यामुळे तुमचे संपूर्ण लक्ष करिअरवर फोकस कराल. या काळात तुमची महत्त्वकांक्षा वाढेल. व्यावसायिक लोक अधिक सक्रिय असतील. तुम्ही अधिक उत्साही असाल. कामाच्या ठिकाणी कठोर परिश्रम करुन यश मिळवालं. अपेक्षेच्या पलिकडे जाऊन विचार करावा लागेल.
वृषभ राशीवर सूर्य संक्रमणाचा प्रभाव
वृषभ राशीत सूर्याचे संक्रमण ९ व्या स्थानात होणार आहे. या काळात तुम्ही सामाजिकदृष्ट्या अधिक मजबूत असाल. सामाजिक वर्तुळात तुम्हाला प्रेम आणि आदर मिळेल. समविचारी लोकांसोबत तुमचा संबंध येईल. लोक तुमच्याकडे अधिक लक्ष देतील. ज्या क्षेत्रात तुम्ही गुंतलेले आहात त्यामध्ये तुम्हाला प्रसिद्धी मिळेल. आरोग्यावर परिणाम होऊ शकतो.
मिथुन राशीवर सूर्य संक्रमणाचा प्रभाव
मिथुन राशीत सूर्याचे संक्रमण आठव्या स्थानात होणार आहे. या काळात तुमच्यामध्ये काम करण्याची वेगळी ऊर्जा असेल. ऊर्जा वाढवण्यासाठी तुम्ही अधिक वेळ खर्च कराल. विद्यार्थी अभ्यासात अधिक भर देतील. जीवनातील अनेक आव्हानांवर मात कराल.
कर्क राशीवर सूर्य संक्रमणाचा प्रभाव
कर्क राशीत सूर्याचे संक्रमण सातव्या स्थानात होणार आहे. सूर्य संक्रमणामुळे व्यवसायातील सहकारी आणि पार्चटनरशीपमध्ये चांगली भरभराटी होईल. तुम्हाला चांगले फायदे मिळतील परंतु, सावध राहा. या काळात घाईने निर्णय घेणे टाळा. अन्यथा नुकसान होण्याची शक्यता आहे. जोडीदाराच्या तक्रारी वाढतील.
सिंह राशीवर सूर्य संक्रमणाचा प्रभाव
सिंह राशीत सूर्याचे संक्रमण सहाव्या स्थानात होणार आहे. या काळात तुम्हाला विरोधकांपासून सावध राहावे लागेल. हा काळ तुमच्यासाठी अधिक महत्त्वाचा राहिल. कामाच्या ठिकाणी राजकारणापासून दूर राहा. तुमच्या प्रतिष्ठेला हानी पोहोचू शकते.
कन्या राशीवर सूर्य संक्रमणाचा प्रभाव
कन्या राशीत सूर्याचे संक्रमण पाचव्या स्थानात होणार आहे. या काळात तुम्हाला अनेक नवीन संधी मिळतील. लव्ह लाईफमध्ये सुधारणा होईल. पालकांना मुलांकडून चांगली बातमी मिळेल. ज्यामुळे तुम्हाला अभिमान वाटेल.
तुळ राशीवर सूर्य संक्रमणाचा प्रभाव
तुळ राशीत सूर्याचे संक्रमण चौथ्या स्थानात होणार आहे. तुम्ही आईसोबत जास्त वेळ घालवाल. तुमची काळजी आणि प्रेम वाढेल. गुंतवणूक आणि मालमत्ता खरेदीसाठी हा काळ चांगला असेल. या काळात तुम्हाला मोठे यश मिळेल.
वृश्चिक राशीवर सूर्य संक्रमणाचा प्रभाव
वृश्चिक राशीत सूर्याचे संक्रमण तिसऱ्या स्थानात होणार आहे. या काळात तुम्ही अधिक सामाजिक व्हाल. पार्टी आणि सामाजिक गोष्टींमध्ये सहभागी व्हाल. वैवाहिक जीवनात तणाव राहिल. आरोग्याची काळजी घ्यावी लागेल.
धनु राशीवर सूर्य संक्रमणाचा प्रभाव
धनु राशीच्या लोकांसाठी सूर्याचे संक्रमण दुसऱ्या स्थानात असणार आहे. या काळात तुम्हाला कौटुंबिक जीवनात अनेक बदल घडताना दिसतील. बोलताना जपून बोला. कौटुंबिक जीवन समृद्ध असेल. वाद वाढू शकतात.
मकर राशीवर सूर्य संक्रमणाचा प्रभाव
मकर राशीत सूर्याचे संक्रमण पहिल्या स्थानात होणार आहे. नशीब सुधारण्याच्या संधी मिळतील. सरकारी कार्यालये आणि उच्च अधिकाऱ्यांशी तुमचे चांगले संबंध तयार होतील. सरकारी हस्तक्षेप करणे टाळा.
कुंभ राशीवर सूर्य संक्रमणाचा प्रभाव
सूर्याचे संक्रमण कुंभ राशीत बाराव्या स्थानात होणार आहे. तुम्हाला परदेशातून अनेक संधी मिळतील. परदेशात काम करणाऱ्या लोकांकडून चांगली बातमी मिळेल. या काळात तुमचे खर्च अधिक वाढतील. तुम्ही चांगल्या प्रकारे गुंतवणूक कराल.
मीन राशीवर सूर्य संक्रमणाचा प्रभाव
मीन राशीत सूर्याचे संक्रमण ११ व्या स्थानात होणार आहे. हे संक्रमण तुमच्यासाठी विशेष फलदायी ठरेल. तुम्हाला चांगला नफा आणि पदोन्नती मिळू शकते. तुम्ही जे काही काम करायचे ठरवले आहे त्यात तुम्हाला नशिबाची साथ मिळेल.