Chhaava Movie Box Office Collection: छत्रपती संभाजी महाराजांच्या जीवनावर आधारित ‘छावा’ चित्रपटाने बॉक्स ऑफिसवर चांगली सुरुवात केली आहे. या चित्रपटाने विकी कौशलला त्याच्या कारकिर्दीतील सर्वात मोठी ओपनिंग दिली आहे.
हायलाइट्स:
- ‘छावा’ चित्रपटाने बॉक्स ऑफिसवर दमदार सुरुवात केली
- २०२५ सालची सर्वात मोठी सुरुवात
- ‘छावा’ हा चित्रपट विकी कौशलच्या कारकिर्दीतील सर्वात मोठा ओपनिंग चित्रपट ठरला.
‘छावा’चा बॉक्स ऑफिस कलेक्शन
सॅकनिल्कच्या अहवालानुसार, शुक्रवार, १४ फेब्रुवारी रोजी ‘छावा’ सिनेमाने भारतात बॉक्स ऑफिसवर ३१.०० कोटी रुपयांचा शानदार गल्ला जमवला. शुक्रवारी सकाळपासूनच ‘छावा’च्या शोमध्ये चांगली गर्दी होती. हा चित्रपट देशभरातील ३५०० हून अधिक स्क्रीनवर प्रदर्शित झाला आहे. सकाळच्या शोला ३०.५१% प्रेक्षक होते, तर दुपारच्या शोला ही संख्या ३४.५०% झाली, संध्याकाळच्या शोमध्ये ४०.५१% आणि रात्रीच्या शोमध्ये ६२.५५% इतकी वाढली.
‘छावा’ पहिल्या आठवड्यात १०० कोटींचा आकडा पार करेल
‘छावा’च्या शानदार ओपनिंगकडे पाहता, आता पहिल्याच वीकेंडला तो १०० कोटी क्लबमध्ये प्रवेश करेल याची आशा वाढत आहे! यासाठी ‘छावा’ ला शनिवार आणि रविवारी आपला वेग वाढवावा लागेल. आठवड्याच्या सुट्टीमुळे प्रेक्षकांनी चित्रपटगृहांमध्ये ‘छावा’वर प्रेमाचा वर्षाव केला तर हे घडू शकते.
२०२५ सालची पहिल्या दिवशीची सर्वात मोठी कमाई
२०२५ मध्ये ‘छावा’ प्रदर्शित होण्यापूर्वी, पहिल्या दिवशी सर्वाधिक कमाई करणारा चित्रपट अक्षय कुमारचा ‘स्काय फोर्स’ होता, या सिनेमाने १२.२५ कोटी रुपयांचा व्यवसाय केला होता. पण आता विकी कौशलच्या चित्रपटाने यापेक्षा १५३% जास्त कमाई केली आहे. इतकेच नाही तर, ‘छावा’ ने २०२४ च्या चार मोठ्या चित्रपटांनाही मागे टाकले आहे – स्त्री २, भूल भुलैया ३, सिंघम अगेन आणि पुष्पा २ – पहिल्या दिवसाच्या कलेक्शनच्या बाबतीत मागे पडले आहेत.
दुसरा विक्रम: व्हॅलेंटाईन वीकच्या पहिल्या दिवशी सर्वाधिक कमाई
व्हॅलेंटाईन आठवड्यात कोणत्याही चित्रपटासाठी ही सर्वात मोठी ओपनिंग आहे. यापूर्वी, रणवीर सिंह आणि आलिया भट्ट यांच्या ‘गली बॉय’ने २०१९ मध्ये व्हॅलेंटाईन वीकमध्ये सर्वाधिक १९.४० कोटी रुपयांची कमाई केली होती. विकीच्या ‘छावा’ चित्रपटाने ‘गली बॉय’ पेक्षा ५९.७९% जास्त व्यवसाय केला आहे.
तिसरा रेकॉर्ड: पहिल्या दिवशी सर्वाधिक कमाई करणारा पीरियड ड्रामा
पीरियड ड्रामा चित्रपटांच्या यादीतही, ‘छावा’ने पहिल्या दिवशी सर्वाधिक कमाई केली आहे. महाराष्ट्रासारख्या राज्यात संभाजी महाराजांच्या कथेला प्रचंड प्रतिसाद मिळाला आहे. भविष्यात ते चित्रपटासाठी खूप फायदेशीर ठरेल. याचे उत्तम उदाहरण म्हणजे अजय देवगणचा ‘तान्हाजी’, या सिनेमाने पहिल्या दिवशी १५.१० कोटी रुपये कमावले होते. २०१८ मध्ये प्रदर्शित झालेल्या ‘पद्मावत’ने पहिल्या दिवशी १९.०० कोटी रुपयांचा व्यवसाय केला होता.
चौथा विक्रम: सर्वाधिक तिकिटे विकली गेली
‘छावा’ च्या धमाकेदार ओपनिंगची जादू फक्त कमाईपुरती मर्यादित नाही. तिकीट विक्रीतही खळबळ उडाली आहे. आघाडीच्या तिकीट विक्री प्लॅटफॉर्म ‘बुक माय शो’ नुसार, विकी कौशलच्या चित्रपटाने ‘अ‍ॅनिमल’ आणि ‘गदर २’ वगळता इतर सर्व हिंदी चित्रपटांच्या पहिल्या दिवसाच्या तिकिट विक्रीला मागे टाकले आहे. पहिल्या दिवशी बीएमएसने ‘छावा’ची एकूण १४ लाख तिकिटे विकली गेली. यापैकी, रिलीजच्या दिवशी सुमारे ५ लाख तिकिटे विकली गेली. २०२५ मधील हा आतापर्यंतचा सर्वाधिक आकडा आहे. रणबीर कपूरचा ‘अ‍ॅनिमल’ चित्रपट रिलीजच्या दिवशी सर्वाधिक तिकिट विक्रीच्या बाबतीत अजूनही आघाडीवर आहे, त्या सिनेमाची ८.९० लाख तिकिटे विकली गेली होती. ‘गदर २’ चा ६.७० लाख तिकिटे बुक माय शो द्वारे विकली गेली.
छत्रपती संभाजी महाराजांच्या नावे दुमदुमली थिएटर्स, पहिल्याच दिवशी छावाची बंपर कमाई, विकी कौशलच्या नावे ६ रेकॉर्ड
पाचवा विक्रम: गर्दीच्या वेळी सर्वाधिक तिकिटे विकली गेली.
तिकीट प्लॅटफॉर्मनुसार, ‘छावा’ ने एका तासात सर्वाधिक तिकिटे विकण्याची शर्यतही जिंकली आहे. एका तासात सर्वाधिक ४२.९८ हजार तिकिटे विकली गेली. शाहरुख खानच्या ‘डंकी’ चित्रपटाची गर्दीच्या वेळी ३०.६९ हजारांहून अधिक तिकिटे विकली गेली होती.
सहावा रेकॉर्ड: विकी कौशलच्या कारकिर्दीतील सर्वात मोठी ओपनिंग
‘छावा’ चित्रपटाने विकी कौशलला त्याच्या कारकिर्दीतील सर्वात मोठी ओपनिंग दिली आहे. याआधी, त्याच्या ब्लॉकबस्टर ‘उरी: द सर्जिकल स्ट्राइक’ने पहिल्या दिवशी सर्वाधिक ८.२० कोटी रुपये कमावले होते. पण ‘छावा’ ने यापेक्षा जवळजवळ ४ पट जास्त कमाई केली आहे. हा त्याच्या कारकिर्दीतील पहिलाच चित्रपट आहे, ज्याने पहिल्या दिवशी १० कोटींपेक्षा जास्त व्यवसाय केला आहे.