Chhaava Box Office Report: गेले १५ दिवस छावा सिनेमा थिएटरमध्ये धुमाकूळ घालतोय. आता या सिनेमाने पुष्पा २ चा पण रेकॉर्ड मोडलाय.
‘छावा’चे बॉक्स ऑफिस कलेक्शन
लक्ष्मण उतेकर दिग्दर्शित या चित्रपटाने पहिल्या आठवड्यात २२५.२८ कोटी रुपयांचा व्यवसाय केला. तर दुसऱ्या आठवड्यात चित्रपटाच्या कलेक्शनमध्ये घट झाली. ‘छावा’ने दुसऱ्या आठवड्यात १८६.१८ कोटी रुपये कमावले आहेत. अशाप्रकारे, ‘छावा’ चित्रपटाने २ आठवड्यात भारतीय बॉक्स ऑफिसवर एकूण ४११.४६ कोटी रुपयांचा गल्ला जमवला आहे. दरम्यान, जर आपण विकी कौशल स्टारर चित्रपटाच्या १५ व्या दिवसाबद्दल बोललो तर सॅकॅनिल्कच्या अहवालानुसार, ‘छावा’ने १५ व्या दिवशी म्हणजेच तिसऱ्या शुक्रवारी १३.४२ कोटी रुपये कमावले आहेत. १५ दिवसांनंतर, ‘छावा’ ने भारतात एकूण ४२४.८८ कोटी रुपयांचा गल्ला जमवला आहे.
‘छावा’चे जगभरातील बॉक्स ऑफिस कलेक्शन
निर्मात्यांनी गेल्या शुक्रवारी (२८ फेब्रुवारी) ‘छावा’चा जगभरातील कलेक्शन शेअर केले. निर्मात्यांच्या मते, विकी कौशलच्या ‘छावा’ चित्रपटाने १४ दिवसांत जगभरात ५५५.३ कोटी रुपये कमावले आहेत.
‘छावा’ ने ‘पुष्पा २’ ला मागे टाकले
कमाईत घसरण झाली असली तरी, ‘छावा’ने तिसऱ्या शुक्रवारी हिंदी चित्रपटसृष्टीत इतिहास रचला आहे. छत्रपती संभाजी महाराजांवर आधारित हा चित्रपट तिसऱ्या शुक्रवारी सर्वाधिक कमाई करणारा चित्रपट बनला आहे, त्याने दक्षिणेचा सुपरस्टार अल्लू अर्जुनचा ब्लॉकबस्टर चित्रपट पुष्पा २ द रुलला मागे टाकले आहे. या यादीत त्याने पहिले स्थान मिळवले आहे. सॅकॅनिल्कच्या मते, पुष्पा २ ने तिसऱ्या शुक्रवारी ११.३ कोटी रुपये कमावले होते.
Chhaava Box Office Collection: पुष्पा २ ही ‘छावा’ समोर पडला फिका! १५ दिवसांत छत्रपती संभाजी महाराजांवर आधारित सिनेमाची छप्परफाड कमाई
‘छावा’ बद्दल
‘छावा’ हा ऐतिहासिक काळातील अ‍ॅक्शन ड्रामा चित्रपट आहे जो मराठा साम्राज्याचे दुसरे शासक संभाजी महाराज यांच्या जीवनावर आधारित आहे, यात विकी कौशलने संभाजी महाराजांची भूमिका केली आहे. शिवाजी सावंत यांच्या ‘छावा’ या मराठी कादंबरीवर आधारित हा चित्रपट लक्ष्मण उतेकर यांनी दिग्दर्शित केला आहे. मॅडॉक फिल्म्सच्या बॅनरखाली दिनेश विजन यांनी निर्मिती केली आहे. या चित्रपटात विकी कौशलसोबत रश्मिका मंदान्ना, आशुतोष राणा, अक्षय खन्नासारखे कलाकार आहेत.