Shani Gochar 2025 In Meen Rashi : शनि आणि सूर्य पिता -पुत्र असले तरी ते एकमेकांच्या शत्रू म्हणून ओळखले जातात. ज्योतिषशास्त्रानुसार हे अत्यंत महत्त्वाचे ग्रह असून मीन राशीत दोन्ही ग्रहांचे संक्रमण होणार आहे. १४ मार्च रोजी सूर्य मीन राशीत प्रवेश करणार तर २९ मार्च रोजी शनि ३० वर्षांनी मीन राशीत संक्रमण करतील. या दोन ग्रहांच्या युतीमुळे एप्रिल महिन्यात मेष, सिंह आणि इतर काही राशीच्या जातकांना करिअरमध्ये चढ-उतार आणि आर्थिक अडचणींचा सामना करावा लागू शकतो. घरात कलहाचे वातावरण तसेच संघर्ष वाढण्याची शक्यता आहे. चला तर, पाहूया सूर्य-शनि युतीमुळे कोणत्या राशींना समस्या होऊ शकते.
शनि-सूर्य युती 2025 मेष राशीवर प्रभाव
मेष राशीच्या लोकांसाठी सूर्य आणि शनीची युति तुमच्या द्वादश भावात होणार आहे. यामुळे तुमची साडेसाती सुरू होईल. अशा परिस्थितीत तुमचे खर्च खूप वाढू शकतात. याशिवाय पायांमध्ये वेदना किंवा इतर शारीरिक समस्या होण्याची शक्यता आहे. तुम्हाला या कालावधीत झोपेच्या समस्याही येऊ शकतात. तुमच्या शत्रूंविरुद्ध सतर्क राहा आणि मानसिक भयाच्या स्थितीपासून दूर राहा.
शनि-सूर्य युती 2025 सिंह राशीवर प्रभाव
सिंह राशीच्या लोकांसाठी सूर्य आणि शनीची युति अष्टम स्थानात होणार आहे. यामुळे शनीची ढय्या सुरू होईल. या काळात तब्येतीच्या बाबतीत सतर्क रहावे लागेल. काही जुने आजार डोके वर काढण्याची शक्यता आहे. या कालावधीत प्रवास करणे टाळावे तसेच विरोध आणि शत्रूंपासून सावध राहा. ते तुमच्या प्रतिष्ठेला हानी पोहोचवण्यासाठी काहीही करु शकतात. नोकरी आणि व्यवसाय करणाऱ्यांना आर्थिक नुकसान होण्याची शक्यता आहे. तुम्हाला काही वाईट सवयी असतील तर त्यापासून दूर राहा आणि सगळ्यात महत्त्वाचे तुमच्या कामात फोकस ठेवा आणि शॉर्टकट वापरु नका.
शनि-सूर्य युती 2025 कन्या राशीवर प्रभाव
कन्या राशीच्या लोकांसाठी सूर्य आणि शनीची युति सप्तम स्थानात होते आहे. त्यामुळे अनेक संघर्षांचा सामना करावा लागू शकतो. नोकरी करणाऱ्यांना सहकारी त्रास देतील. वैवाहिक जीवनात समस्यांचे वादळ येण्याची शक्यता आहे. तुमच्या जोडीदारामुळे जीवनात खूप तणाव येण्याची शक्यता आहे दरम्यान तुम्ही नातेसंबंधात समतोल राखण्याचा प्रयत्न करा. जे लोक पार्टनरशीपमध्ये व्यवसायात करतात त्यांना पार्टनरकडून धोका होऊ शकतो. व्यावसायिकांना आर्थिक नुकसान होणार आहे. तब्येतीची खास काळजी घ्या. एकूणच तुम्हाला अनेक संकटं आणि संघर्षाचा सामना करावा लागणार आहे.
शनि-सूर्य युती 2025 धनु राशीवर प्रभाव
धनु राशीच्या लोकांसाठी सूर्य आणि शनीची युती चतुर्थ स्थानात होणार असून शनीच्या ढय्याही सुरू होणार आहे. जेव्हा अशी स्थिती असते त्यावेळी आईच्या तब्येतीची जास्त काळजी घ्यावी लागते. तुमचा मानसिक ताणतणाव जास्त वाढणार आहे. खर्च जास्त होणार आहेत आणि त्यासाठी बजेटवर कटाक्ष ठेवा. तुम्ही किती मिळवता आणि किती खर्च ठेवा यांचा ताळमेळ ठेवला तर आर्थिक संकटातून तुम्ही स्वतःचा बचाव करु शकाल. गाडी चालवताना सतर्क राहा आणि वेगावर नियंत्रण ठेवा. सासरकडील कुटुंबामध्ये एखाद्या व्यक्तीची तब्येत बिघडू शकते त्यामुळे तुमचे टेन्शन वाढेल.
शनि-सूर्य युती 2025 मीन राशीवर प्रभाव
मीन राशीतच सूर्य आणि शनीची युती होणार आहे. यामुळे मीन राशीच्या जातकांसाठी शनीच्या साडेसातीचा दुसरा टप्पा सुरू होईल. या काळात तब्येतीची खास काळजी घ्यावी लागणार आहे. मानसिक तणाव वाढेल तसेच मनात विचारांचे काहूर माजेल. आर्थिक अडचणी वाढणार आहेत. हा कालावधी असा आहे, जिथे तुम्हाला संयम आणि धैर्याने काम करावे लागेल. कोणतेही नवीन गुंतवणूक या काळात करु नका.