Sikandar Box Office Collection : सलमान खानचा ‘सिकंदर’ हा चित्रपट आज थिएटरमध्ये प्रदर्शित झाला आहे. या चित्रपटाबद्दल चाहत्यांमध्ये खूप उत्सुकता आहे. चला तर मग जाणून घेऊया ‘सिकंदर’ पहिल्या दिवशी किती कमाई करू शकतो?
हा अ‍ॅक्शन ड्रामा चित्रपट ‘सिकंदर’ सलमान आणि एआर मुरुगदास यांचा पहिलाच चित्रपट आहे, त्यामुळे या चित्रपटाबद्दल सर्वजण खूप उत्सुक आहेत. मात्र, चित्रपटाचं विशेष प्रमोशन झालं नाही ज्यामुळे चर्चा जास्त होऊ शकली नाही. गाण्यांना चांगलं ट्रॅक्शन मिळालं, पण त्यापैकी एकही गाणं चार्टबस्टरच्या वर जाऊ शकलं नाही. ट्रेलर हा शेवटचा आशावाद होता, पण तरीही चित्रपटाबद्दल प्रेक्षकांची क्रेझ पुढच्या पातळीवर नेऊ शकली नाही.
‘सिकंदर’ पहिल्या दिवशी किती कमाई करू शकेल?
सलमान खान, ए.आर. मुरुगदास यांच्या सहकार्याव्यतिरिक्त, ‘सिकंदर’चा सर्वात मोठा चर्चेचा विषय म्हणजे रविवारी प्रदर्शित होणारा चित्रपट. सलमानचे चित्रपट मोठ्या प्रमाणात ऑन-द-स्पॉट बुकिंगसाठी ओळखले जातात, विशेषतः बी आणि सी सेंटरमध्ये. त्यामुळे, हा सिनेमा रविवारी प्रदर्शित होत असल्याने, चित्रपटाच्या ऑन-द-स्पॉट बुकिंगचा फायदा होईल. तसंच, त्याला कोणतीही स्पर्धा नव्हती, त्यामुळे चित्रपटाला देशभरात १८,००० ते २०,००० च्या दरम्यान शोज मिळाले.
‘सिकंदर’ तोडणार ‘छावा’चा रेकॉर्ड पण २०२५ चा हीट ओपनर बनणं मुश्किल; विकीवर भारी पडेल का सलमान?
पहिल्या दिवशी भारतीय बॉक्स ऑफिसवर ३४-३८ कोटी रुपयांची कमाई करेल अशी आशा आहे. हा एक चांगला स्कोअर आहे, परंतु बॉलिवूड ब्लॉकबस्टर चित्रपटांच्या अलिकडच्या बेंचमार्कचा विचार करता, तो कमकुवत वाटतो. सलमान खानसाठीही ते अपेक्षेप्रमाणे होणार नाही, कारण सुरुवातीला हा चित्रपट ‘टायगर ३’ च्या ४४.५० कोटींना मागे टाकून त्याचा सर्वात मोठा ओपनर बनेल अशी अपेक्षा होती. मात्र, अंतिम आकडेवारी रात्री १०.३० नंतरच कळेल.
हा चित्रपट ‘छावा’चा विक्रम मोडेल पण वर्षातील सर्वात मोठा ओपनर बनणार नाही
सलमान खानच्या ‘सिकंदर’च्या पहिल्या दिवसाच्या कलेक्शनच्या अंदाजांवरून (३४ ते ३८ कोटी) पाहता, हा चित्रपट विकी कौशलच्या ‘छावा’च्या पहिल्या दिवसाच्या कलेक्शनला मागे टाकेल, जो ३३.१० कोटींचा होता. परंतु तो वर्षातील सर्वात मोठा ओपनर ठरणार नाही. वर्षातील सर्वात मोठ्या ओपनरचा विक्रम राम चरणच्या गेम चेंजरच्या नावावर आहे. कोइमोईच्या रिपोर्टनुसार, हे वर्षातील टॉप ५ सर्वात मोठे ओपनर आहेत.
लेखकाबद्दलतेजश्री कुलयेतेजश्री कुलये, महाराष्ट्र टाइम्स ऑनलाईनमध्ये इंटर्न म्हणून कार्यरत आहे. मराठी साहित्यात पदवी आणि पदव्युत्तर शिक्षण घेतलं असून मुंबई विद्यापीठाच्या गरवारे शिक्षण संस्थेतून पत्रकारितेचा डिप्लोमा केला आहे. मनोरंजनविषयक बातम्या लिहिण्याची आवड. वाचनाची आणि लिखाणाची आवड.… आणखी वाचा