Sikandar Box Office Report: सलमान खान आणि रश्मिका मंदान्ना यांच्या चित्रपटाने रिलीजच्या दुसऱ्या दिवशी मोठी कमाई केली आहे. ईदची सुट्टी आणि भाईजानच्या चाहत्यांमुळे, चित्रपटाने सोमवारी पहिल्या दिवसापेक्षा जास्त कमाई केली आहे.
हायलाइट्स:
- सलमान खानच्या ‘सिकंदर’ने दुसऱ्या दिवशी खूप कमाई केली
- चित्रपटाला रिलीजच्या दुसऱ्या दिवशी ईदच्या सुट्टीचा फायदा मिळाला.
- दुपारनंतर सिनेमागृहात सलमानच्या चाहत्यांची गर्दी जमली.
‘सिकंदर’चे बॉक्स ऑफिस कलेक्शन दुसरा दिवस
सलमान खान दरवर्षी ईदला त्याचा चित्रपट प्रदर्शित करून आपल्या चाहत्यांना ईदी देतो. या वर्षीही सर्वजण ‘सिकंदर’ ची आतुरतेने वाट पाहत होते. साजिद नाडियाडवाला निर्मित या चित्रपटाला प्रेक्षकांचा सरासरी प्रतिसाद मिळाला असला तरी, भाईजानच्या चाहत्यांमुळे, पहिल्या दिवसाच्या तुलनेत दुसऱ्या दिवशी या चित्रपटाने २९ कोटी रुपयांची शानदार कमाई केली आहे. दोन दिवसांत चित्रपटाचे एकूण कलेक्शन ५५.०० कोटी रुपयांवर गेले आहे. ३१ मार्च रोजी चित्रपटाला एकूण २४.६० टक्के गर्दी होती.
‘सिकंदर’च्या रात्रीच्या शोला सर्वाधिक गर्दी
थिएटरमध्ये ‘सिकंदर’चे फक्त ८.३८ टक्के सकाळचे शो बुक झाले होते, परंतु दुपारनंतर थिएटरमध्ये गर्दी वाढू लागली. दुपारी गर्दी २६.७०% आणि संध्याकाळी ३०.१८% वाढली. रात्रीच्या शोला प्रेक्षकसंख्या सर्वाधिक म्हणजेच ३३.१२% होती.
सलमानच्या टॉप १० हिंदी चित्रपटांचे कलेक्शन
सलमान खानच्या टॉप हिंदी चित्रपटांच्या कलेक्शनबद्दल बोलायचे झाले तर, या यादीत सर्वात वरच्या क्रमांकावर ‘टायगर जिंदा है’ आहे, तो २०१७ मध्ये प्रदर्शित झाला होता. त्याने ३३९.१६ कोटी रुपयांचे कलेक्शन केले होते. आता सलमान त्याच्या कोणत्या चित्रपटांचा रेकॉर्ड मोडेल हे पाहणे रंजक ठरेल.
टायगर जिंदा है (२०१७) – ३३९.१६ कोटी रुपये
बजरंगी भाईजान (२०१५) – ३२०.३४ कोटी रुपये
सुलतान (२०१६) – ३००.४५ कोटी रुपये
टायगर ३ (२०२३)- २७६.६२ कोटी
किक (२०१४) – २३१.८५ कोटी रुपये
भारत (२०१९) – २१२.०३ कोटी रुपये
प्रेम रतन धन पायो (२०१५) – २१०.१६ कोटी
एक था टायगर (२०१२) – १९८.७८ कोटी
रेस ३ (२०१८) – १६९.५ कोटी रुपये
दबंग २ (२०१२) – १५५ कोटी रुपये
Sikandar Box Office Collection : सलमानला ईद पावली! पहिल्या दिवसाच्या तुलनेत दुसऱ्या दिवशी सिकंदर पाहायला मोठी गर्दी, कमाईही केली घसघशीत
रश्मिका मंदान्नाच्या सिनेमाचे कलेक्शन
रश्मिकाबद्दल बोलायचे झाले तर, तिचा ‘पुष्पा २’ हा हिंदीतील सर्वाधिक कमाई करणारा चित्रपट आहे. या यादीत ‘छावा’ दुसऱ्या स्थानावर आहे आणि ‘अ‍ॅनिमल’ तिसऱ्या स्थानावर आहे.
पुष्पा २ – ८१२.१४ कोटी रुपये
छावा – ५७८.८७ कोटी
अ‍ॅनिमल – ५०२.९८ कोटी रुपये
पुष्पा १ – १०६.३५ कोटी रुपये
सिकंदर – ५५ कोटी (अजूनही कमाई करत आहे)
सीता रामम – 8.23 कोटी
वारिसु – ७.९२ कोटी रुपये
गुडबाय – ६.८२ कोटी रुपये